STORIES for CHILDREN by Sister Farida

(www.wol-children.net)

Search in "Platt":

Home -- Platt (Low German) -- Perform a PLAY -- 080 (A bill for Mom)

This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish? -- Swiss German? -- Tamil -- Turkish -- Ukrainian -- Urdu -- Uzbek

Previous Piece -- Next Piece

DRAMASTEKJA – doo aundre Kjinja daut väaspälen!
Dramastekja fa Kjinja toom väadroagen

80. Fa Mame eene Räakjnunj


Jasmin äa jratzta Wensch lach opp de Schattelbenkj im Stua, woo de Spälsachenaufdeelung wia.

Jasmin: "Jelt musst maun haben. De Erwosne Menschen haben daut goot. Dee kjenen sich kjeepen waut see wellen. Oba ekj hab eene Idee."

Jasmin haud daut aun disem Dach sea porich. Nom Meddach äten jinj see in äare Sto. Aules waut see brugt wia een Paulpen un een Blaut Papia.

Jasmin: "De Loonaufräakjnung fa Jasmin: Ekj sie doch kjeen Deenstmäadche, waut omsonst oabeiden deit.

Oolet Glaus wajchjedroacht: 2, - Euro
Wauschrum rein jemoakt: 3, - Euro
jieda Owent Desch aufjeriemt: 6, - Euro
Schlopsto oppjeriemt, daut wia eene schwoare Oabeit: 10, - Euro
Oppwauschmeschien utjeriemt: 4, - Euro
Mell wajchjedroacht, daut stinkjt ema soo: 6, - Euro
daut moakt aulatoop 15, 21... 31, - Euro

Bitte boolt betolen!
Diene oabeitswellji Jasmin."

Soo daut Mame daut nich enwort, läd see disen Zadesl met de Räajnunk opp däm Kjäakjedesch. Un aul biem Owentkost funk see eenen Breef bie äare Schiew. Oba see muak däm iescht op, aus see auleen wia.

Jasmin: "Nu sie ekj oba nieschieerich. (Breef oppmoaken, Jelt fellt rut) Gaunz jeneiw 31 Euro! Soo rikj wia ekj noch niemols. O, doa es uk noch een Breef doabie:

Miene leewe Jasmin!

Hia es dien Loon. Du best werklich een sea tichkjit Mäadche. Wan du Tiet hast, dan las miene Räakjnung.

10 Joa hab ekj fa die Wausch jewoschen: null Euro
10 Joa hab ekj fa die jekoakt: null Euro
Wan du krank wiescht, hab die jepfläacht un die jetreest: null Euro
Ekj hab met die jespält: null Euro
Fa diene Sorjen un Trubbels hab ekj mie ema Tiet jenomen: null Euro

Ekj well nich noch mea oppschriewen. Ekj hab daut jiern jedonen, wiels ekj die sea goot sie, mien Schauz. Diene Mama."

Jasmin schämd sich. See rant no äare Mama un omoarmt dee.

Jasmin: "Mama, ekj woa niemols mea eene Räakjnunj oppschriewen. Hia es daut Jelt. Ekj sie die goot!"

Halpen moakt Freid un schenkjen moakt Freid. Wellst du Freid schenkjen? Ekj wensch die eene goode Idee, met dee du diene Mama äwarauschen kaunst.

Un doo daut nich vejäten: Freid moaken, moakt Freid.


Persoonen: Eena waut vetalen deit, Jasmin

Copyright: CEF Germany

www.WoL-Children.net

Page last modified on August 08, 2023, at 07:50 AM | powered by PmWiki (pmwiki-2.3.3)