Home -- Kazakh -- Perform a PLAY -- 080 (A bill for Mom)
80. Анаға арналған есепшот
Динара үлкен ықыласпен дүкен терезесіне қарады. Дүкеннің ішінде ол армандаған ойыншық болды.
Динара: «Маған ақша керек. Ересектердің өмірі сондай жақсы. Олар не қаласа, соны сатып алады. Аа, мен бірдеңе ойлап таптым!»
Динара асығыс үйіне қарай жүгірді. Кешкі астан кейін ол бөлмесіне кіріп, қарындаш пен қағазды алып, жаза бастады.
Динара: «Динарадан келген есепшот (Ескерту: мен мұнда қызметші емеспін!)
Шыны ыдыс-аяқты контейнерге қойдым $2,50
Душты тазаладым $4
Күн сайын кешкісін, дастархандағы ыдыстарды жинадым $8
Бөлмені тазаладым (қиын жұмыс!) $13,50
Ыдыс жуғыш машинадан, ыдыс-аяқтарды алып, орнына қойдым $5
Қоқысты шығардым (одан сұмдық иіс шықты!) $8
Және мұның барлығын қосқанда... 15, 21 … $41
Өтініш, тез төлеңіз!
Сіздің еңбекқор қызыңыз, Динара».
Ол үндемей есепшотын ас үй үстелінің үстіне қойды. Кешкі астың алдында, ол өзінің табағының жанында хатты көрді. Кейінірек ол оны бөлмесінде ашты.
Динара: «Өте қызықты. (хаттың ашылып, ақшаның түскен дыбысы) Тура 41 доллар! Мен ешқашан соншалықты бай болған емеспін. О, мұнда, ескертпе бар екен:
Құрметті Динара!
Міне, сенің төлемің. Сен шынымен де еңбекқор қызсың. Уақытың болған кезде менің есепшотымды оқып шық.
10 жыл бойы мен сенің киіміңді жудым тегін
10 жыл бойы мен сен үшін тамақ әзірледім тегін
Сен ауырып жатқанда мен саған қамқор болдым тегін
Мен сенімен ойнадым тегін
Мен сені әрқашан мұқият тыңдадым тегін
Мен бұл тізімді әрі қарай жалғастырмаймын. Мұның бәрін мен сен үшін қуанышпен жасадым, қымбатты қызым, өйткені мен сені қатты жақсы көремін. Сенің анаң».
Динара ұялып кетті. Ол анасына жүгіріп барып, оны құшақтады.
Динара: «Анашым, мен сізге енді ешқашан есепшот бермеймін. Міне, ақшаңызды алыңыз. Мен сізді жақсы көремін!»
Біз адамдарға көмектескен кезде, оларға қуаныш сыйлаймыз. Беру - әрқашан да жақсы! Аналар күні жақындап қалды!
Балалар, сендер аналарыңды қуантқыларың келе ме? Әрқайсыларың аналарыңа, қандай да бір тосын сый жасағандарыңды қалаймын.
Естеріңде болсын: басқаларға сыйлаған қуаныш, әрқашан да өздеріңе оралады! Бұл ереже күнделікті өмірге де қатысты.
Рөлдер: Баяндаушы, Динара
Авторлық құқықтар: CEF Germany