STORIES for CHILDREN by Sister Farida

(www.wol-children.net)

Search in "Platt":

Home -- Platt (Low German) -- Perform a PLAY -- 054 (Someone cries, the others smirk 2)

This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish? -- Swiss German? -- Tamil -- Turkish -- Ukrainian -- Urdu -- Uzbek

Previous Piece -- Next Piece

DRAMASTEKJA – doo aundre Kjinja daut väaspälen!
Dramastekja fa Kjinja toom väadroagen

54. Eena brellt, dee aundre freien sich 2


Wiet auf von Tus, im Noden von Israel, deeden tien Breeda de Schop von äarem Voda heeden. (Schop doonen bloaren)

See wieren soo aufjenstich, daut see uk hia opp de Stap nich frie wieren von äarem Aufgonst.

1. Brooda: "Weet waut ons wundaboara Dreema Josef deit?"

2. Brooda: "Gott haft am aunschienend jesajcht, daut hee een wichtkja Maun woat woaren. Un wie sellen ons ver am kjneeen. Haha, daut es ji toom lachen."

1. Brooda: "Om däm schmoken Rock von Voda sie ekj am noch ema aufjenstich."

2. Brooda: "Well wie nich mea doavon räden. Daut es bloos toom oajren. Sauftkjet jreenet Graus es wichtkja."

Tus docht Voda aun siene Junges.

Voda: "Josef, ekj moak mie Sorjen om dee aundre. Aus dee jesunt woaren senen? Vleicht haben wille Tieren de Schop äwafollen. Go mol kjikjen aus iend daut noch goot jeit."

Pape brugd Josef nich fiefmol sajen, waut hee doonen sull. One to grunzen deed hee fuatz jehorchen. Josef musst väl Kilomeetasch gonen. Siene Breeda sagen am aul von Wiet auf komen.

1. Brooda: "Kjijt mol, de Dreema kjemt. Komt, wie brinjen am om."

2. Brooda: "Dot daut nich, schmiet am leewa im Borm nen."

Ruben, dee daut älste wia, haud een schlajchtet Jewessen. Hee wull sienen Brooda raden. Josef kaum noda. Hee haud kjeene Onung waut siene Breeda fa schrakjliche Plons met am hauden.

Josef: "Schalom, woo jeitet junt?"

1. Brooda: "Daut jeit die nuscht aun. Jeff mol fuatz dienen Rock häa. Un dan woa wie die wiesen woo de Borm von bennen utsitt."

Josef: "Nä! Lot mie los! Waut hab ekj junt jedonen?" (Aus wan waut rauffällt)

Toom Jlekj wia kjeen Wota im Borm. Oba dee wia soo deep, daut Josef doa bloos goanich auleen rut komen kun.

Josef: "Halpt mie! Halpt mie! Bitte holt mie hia rut! Ekj well hia rut. Kjenn jie mie hieren? Halpt mie!"

Siene Breeda saden sich schaftich im Schauten un deeden waut äten. Oppeenmol sagen see Haundeslmana (Petlasch) opp Kameelen aunkomen. See brochten Woa no Ägypten.

1. Brooda: "Ekj hab eene Idee. Wie vekjeepen Josef."

2. Brooda: "Daut es eene goode Idee, Juda. Dan sent wie am loos, un daut Jelt deel wie ons en."

Un soo wort de Haundel jemoakt. De Breeda vekoften Josef fa 20 Selwastekja aus Sklow nom Utlaunt. Josef sienen Rock hilden de Breeda bie sich un brochten däm gaunz met Bloot beschmäat no Hus.

1. Brooda: "Voda dit hab wie jefungen. Es dit Josef sien Rock?"

Voda: "Jo. Een willet Tia mott am veräten haben. Hee es doot! Mien Sän Josef."

Met Liejnis deeden see äare Sind todakjen un de Voda jleewd daut. Bloos beeset kaum ut äarem Hoat. Oba Gott haft fa Josef goodet doarut jemoakt. Ekj sie aul nieschierich, woo daut im näachsten Spell toom horchen wiedagonen woat, du uk?


Persoonen: Eena waut vetalen deit, twee Breeda, Josef, Voda

Copyright: CEF Germany

www.WoL-Children.net

Page last modified on August 08, 2023, at 07:45 AM | powered by PmWiki (pmwiki-2.3.3)