STORIES for CHILDREN by Sister Farida

(www.wol-children.net)

Search in "Platt":

Home -- Platt (Low German) -- Perform a PLAY -- 052 (Without a schedule to Hawaii)

This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish? -- Swiss German? -- Tamil -- Turkish -- Ukrainian -- Urdu -- Uzbek

Previous Piece -- Next Piece

DRAMASTEKJA – doo aundre Kjinja daut väaspälen!
Dramastekja fa Kjinja toom väadroagen

52. One Kompas no Hawaii


Hast du daut aul mol jeseenen woo de Väajel, dee aule Joa wiedatrakjen, sich opp däm Stroomdrot toom wiedaflieejen tooptrafen doonen? Aus dee sea oppjeräacht woaren senen?

Jiedat Joa fliejen de Sinjväajel, Schwaulben un Storche meist krajt neiw opp däm Dach nom Sieden. Wäa sajcht iend, daut det Tiet es, aules tooptopaken? Gott, de Schöpfa haft daut Program in iend nenjebut.

See rechten sich doano waut hee von iend well un daut deit an aula daut Läwen raden.

Maunche fliejen 10.000 Kilomeeta un komen dan im Frielinj wada trij no daut selwe Nast waut see ver däm wajchfliejen hauden. Es daut nich een Wunda?

Kjanst du däm Golträajenpiepa? Dee wont in Alaska, doa, woo de Ieed niemols gaunz oppdäwen deit. No 26 Doag komen de Bäbis ut däm Ei rut. Moosbäaren un fate dikje Rupen schmakjen am sea scheen. Hee woat soo groot aus eene Duw un siene Fadren schemren goltjreen. Ranen kaun hee nich goot, oba fliejen. Daut es uk väl wichtkja fa am, wiels hee flicht no Hawai opp Ferien. Daut meent 88 Stunden fliejen one eenmol auntohoolen.

Rädna: "Fa Menschen waut väl äwa Tiere un Väajel studieet haben, es de Reis von dise Väajel een grootet Jeheemnis. Ea dis Voagel wajchfliejen deit, deit hee nochmol soväl oppnämen. Hee waot schwanda. Stal die mol fäa, daut wudd bie die passieren. Opp eene Reis deit hee siene Flichten 250.000 mol nop un rauf. Wurscht du eene vädelmillon mol kjennen met diene Henj opp de Ied un dan ema rauf un nop doonen, uthoolen? Wan de Väajel eenen Kilometatala hauden, dan wudd dee wiesen daut dee 51 stundekilometa stoakj fliejen wudden.
De Golträajenpiepa es bie 200 Graum schwoa un en eene Stund vebrukt hee 0,6 % von sienem Jewijcht. Soo aus maun sich daut utjeräakjent haft, musst hee iejentlich no 800 Kilomeeta ea hee aum Ziel es, fa meedichkjeit im Mäa nenfaulen. Oba daut passiet nich, wiels dee stoakjste sent gaunz väare, un dann doonen see eena hinja däm aundren fliejen soo es daut dan leichta. Daut sit dann no een grootet V ut. Un dee stoakjste doonen sich uk aufwazjlen met gaunz fäare fliejen."

De Goldräajenpiepa deit sich doano rechten, waut Gott in am nenjelajcht haft. One eenen Kompass ooda Wajchaunwiesa flicht hee bie Nacht un Näwel. Uk wan dee junge Väajel noch niemols opp Hawai wieren, finjen see dee kjliene Insel in däm grooten Ozean. Daut es nich bloos tofallich soo. See jehorchen Gott soo aus hee daut fa iend jedocht haft, un sinjen am dankboa äare Leeda.

Sull wie daut nich uk soo doonen?

Fa ons stonen Gott siene Aunwiesunjen in de Bibel, wäa am foljen deit, kjemt goot nom Ziel.


Persoonen: Eena waut vetalen deit, Rädna

Copyright: CEF Germany

www.WoL-Children.net

Page last modified on August 08, 2023, at 07:44 AM | powered by PmWiki (pmwiki-2.3.3)