Home -- Aymara -- Perform a PLAY -- 052 (Without a schedule to Hawaii)
52. Awti pachanjja Hawai
¿Uñjtat mä cutisa cunjams jutïr sarïr jamach’inacajja corrientenac patjjarusa sayart’iri janïrar cut-jjañataquï? Llaquitäpjjpachati viajañataquï?
Sapa mara pachpa urunaca quicpa uruna niyasa cantir jamach’inaca, golondrinanaca, cigüeñanaca uqhamarac yakha jamach’inacajj alayaruw kalltapjj viajañataqui. ¿Qhitis jispacha jupanacaru horasajjiw malet viajañanac waquichasiñataqui? Diosaw, take cun luriri, uqham waquichawayi. Diosan awisataparujja jupanacajja ist’apjjewa ucatsti janiw jiwarapcaniti. Mä jamach’inaca 10.000 Kilometronaca thoktawayapjje ucatsti cut-t’anipjjaraquiwa jallu pachataqui pachpa taparu. ¿Janit ucajj mä milagröqui?
¿Uñt-tati chorlito dorado sat jamach’iru? Alaska ucsan jaqui, cawquintejj walpin thayi ucatjj orakejj janiw chullurquiti takpachajja. 26 urunaca chiwchi jamach’ijj jälsjje c’awnata. Arändano achu uqhamarac lonkho lakonaca ucanacaw munat mankanacapajja. Palomat sipansa juc’amp jach’aw jiljje phuyunacapasti paru ch’ojjñawa. Janiw t’ijtañataqui walquiti, ucampis ¡T’uyquï uc uñjasma! Ucajj jupataquejj jacascañataquiwa, awti pachanjja Hawai ucan vacación pasañapa. Ucar puriñataquejja 88 horanacawa t’uyuñapa, jan sayt’asa.
Radio parliri: “Científiconacataquejja acajj jan amuycañawa. Janirär thoktcasinjja, mä chicatampiw cuerpop yapt’asi. Amuyt’am: ¿jumar uc pasiristamstï?
Tuyusinjja 250.000 cutinacawa chhekap awk’asejja. ¿Lurasmati 250.000 flexionanaca jan sayt’asa? Uca jamach’inacatejj mä velocímetronïspajja 51 km hora ucäspawa. Chorlito doradojja ½ libraniwa ucatstï ½ gramo takpach cuerpopat sapa horajj gasti. Uqhamächi ucajja 800 Km faltquipana kotarojj jalakt’jjañapawa jan ch’amani janïrar purisina. Ucampisa janiw uqhamäquiti, cunalaycutejja tampachawa tuyupjje ch’amaninacaquejja ucanacaw puntancapjje. Cunapachatejj kasjasjjejja, yakhaw maqhatjje. Uqhamanwa ch’amanchasipjje.”
Chorlito doradojja cunjamtejj Diosajj jupanacar lürqui ucaruwa arcapjje. Jan brújulani, jan mapaniw ch’amacan tuyupjje, urpunacansa uqhanarac yakhanac contra. Janïs machak jamach’inacajj cunapachas Hawai ucancapchïnjja, uca jisc’a isljja wali jach’a lamar kota taypïnchijja catjapjjewa. Janiw alek uqhamäquiti, Diosan lurataparuw arcasipqui, ucatwa Diosar k’ochusipqui yuspagart’asina.
¿Janit ucapachpa lurañasacaspa?
Jacawisataquijja, Diosan uñacht’awinacapajja Bibliancasquiwa. Qhititejj ist’quejja ucar arquiwa, puriñapäqui ucarujj puriwa.
Ustirinaca: Parliri, radio parliri
© Copyright: CEF Germany