STORIES for CHILDREN by Sister Farida

(www.wol-children.net)

Search in "Fulfulde":

Home -- Fulfulde -- Perform a PLAY -- 137 (The destination indicator 5)

Previous Piece -- Next Piece

DRAMAS -- perform them for other children!
Plays for children to perform

137. Fii potoowal tinndinayngal ngal 5


Jiwo : "Duɗal ngurndan ɗan soååundu 4. Tinndinoore fokkitande nden."

(Hito fii yiilaare otooje ɗen)

Lawratu : "Jooni non ko laawol hongol?"

Karimata : "Hino ŋirɗi. Tindinooje ɗen no wengii ka suudu ka haatimere nden waɗetee ɗon."

Lawratu (tooñoowo) : "Hino labaa! E ko honɗun non waɗeten jooni?"

Kadiatou : "Maande no too fii tindinooje ɗen."

Hara hiɗa miijii wonde jiwåe åen hewtii ka åe fokkiti ton? Kono non hino moýýi ka waɗen tindinooje fii ka fokkituɗen ton. Hara hinaa ka otooje ɗen yiilotoo ɗon tun, kono ka nder ngurndanji men kadi. Hara hiɗa anndi wonde Alla no okka en tindinooje?

Suka : "E ko honɗun ɗe nanditata e mun?"

Hiɗe jogii juuɗe e koyɗe e noppi e hunduko. Wano Filiipu non. On tindinoowo no andunoo laawol bajjol hewtinayngol ngol ka Alla. O waaway sifaade moýýa. O hollii ɗuuɗuåe laawol annabi Iisaa ngol.

Malaa’ikaajo : "Filiipu, immo jokkaa laawol iwungol Yerusalaam ngol yaari Gaaza, ɗun ko ngol ka sengo ley."

Alla no hanndunoo e Filiipu. Alla no handi e maa. Himo hanndi e yimåe anduåe åen laawol ngol. Hara a wontay tindinoowo fii hewtugol ka annabi Iisaa?

Hiɗa waawi ekkitaade piiji buy e juuɗe Filiipu. O wi’aali : wonaa golle an.

O ɗoftii no yaawiri. O weddaaki ko juuti ka hoore laawol. Halfinaaɗo on ngaluuji oo debbo lamiiɗo leydi Ecopii ndin no jooɗi e hoore giri-giriwal ngal pucci pooɗata. Hari on neɗɗo yahii ko timmata guluuje ɗiɗi kilomeeterji fii rewugol ka saare wi’eteende Yerusalaam. O sooduno deftere taggaande satta cogguure ka juulirde mawnde fii makko. E nder ko o yahata kon, himo janga aayeeje wonɗe ka Kitaabul Muggadasi e deftere taggaande nden hoore himo towna hawa kan.

Filiipu : "Hara hiɗa faamude koo ko wonɗaa e jangude?"

Mo Ecopii on : "O’owoye. Mi alaa gooto ko sifanoo lan. Ýawu, jooɗoɗaa takko an ɗoo sifanoɗaa lan."

Filiipu : "Ko fii annabi Iisaa wonɗaa e janngude. Ko kanko woni laawol hewtinayngol ngol ka Alla. Gomɗin innde makko nden, o ardoto ma e ko faandiɗaa kon e nder ngurndan maa ɗan e fii ko laakira kon."

Mo Ecopii on : "Miɗo gomɗini ko annabi Iisaa woni Åiɗɗo Alla on."

Hari Filiipu ko tindinoowo fii laawol hewtinayngol ngol ka annabi Iisaa. Halfinaaɗo jawle leydi ndin fon huutori waajuuji makko ɗin.

Åernde makko nden yiitii laawol feewungol ngol. O hooti ka makko hoore himo weltii, ko ɗun fow anndaa fii taariika makko on.

Miɗo tañhinii wondema hiɗa anndi laawol gootol hewtinayngol ngol ka Alla, awa kadi ko a tindinoowo yimåe åen fii ngol laawol : ka suudu e ka duɗal e ka wondiååe maa åen.

E nder ndii leydi Lagine hannde, hiɗen hannde e tindinooåe buy fii laawol yahayngol ngol ka annabi Iisaa. Ɗun kadi ko goonga e ɗeya leyɗe heddiiɗe Eroopu e Aazii.

Yimåe ujune ujune joganooki tindinoore woo. Hari haa hannde åe nanaali fii annabi Iisaa no woowlee fii mun wonandema ko kanko woni laawol bajjo hewtinayngol ngol haa ka Alla.


Yewtooåe : Fillitotooɗo, suka, jiwo (e Layla), Kadiatu, malaa’ikaajo, Filiipu, mo Ecopii on

© Copyright : CEF Allemagne

www.WoL-Children.net

Page last modified on December 13, 2021, at 04:55 PM | powered by PmWiki (pmwiki-2.3.3)