731. منزل دا اشارہ ۵

کُڑی: ”شاگردی دا زمانہ حصہ ۴۔ منزل دا نشان۔“

(ٹریفک دا شور)

لینا: ”تے ہن کس راہ اُتے جانا اے؟“

کیتھی: ”ایہہ بڑی ماڑی گل اے۔ راہواں دا پتہ گھر رہ گیا اے میرے یاد دہانی والے تختے اُتے لگیا ہویا ا ے۔“

لینا (الزام لاوندے ہوئے): ”واہ! ہن اسی کیہ کراں گے؟“

کیتھی: ”اوہ اوتھے اک نشان دے نال راہ وی دسے گئے نے۔“

کیہ کُڑیاں آپنی منزل تیک اپڑ یاں ہون گیاں؟ ایہہ چنگی گل اے پئی راہ بارے پتہ موجود ہوندا اے۔ بس گڈیاں لئی ای نہیں سگوں ساڈیاں حیاتیاں لئی وی۔ کیہ تہانوں پتہ اے خدا ساڈیاں راہواں بارے ہدیت کردا اے؟

مُنڈا: ”اوہ کس طرح دی ہوندی اے؟“

او ہدے ہتھ پیر ہوندے نے، کن تے مُنہ وی ہوندا اے۔ جس طرح فلپس۔ بس ایہو اوہ راہنما سی جیہڑا خدا دے کول جان دا راہ جاندا سی۔ اوہ اینہوں چنگی طرح بیان کر سکدا سی۔ اوہنے بہت سارے لوکاں نوں یسوع دے کول جان دا راہ دسیا۔

فرشتہ: ”فلپس، جنوب وَل گلی وچ جا جیہڑی یروشلیم تھوں غزا ول جاندی اے۔“

خدا نوں فلپس دی لوڑ سی۔ خدا نوں تہاڈی لوڑ اے۔ اوہنوں اوہناں لوکاں دی لوڑ اے جیہڑے راہ جاندے نے۔ کیہ تُسی منزل تیک اپڑن والا نشان بننا چاہو گے یسوع لئی؟

تُسی فلپس کولوں بہت کجھ سکھ سکدے او۔ اوہنے ایہہ نہیں آکھیا: پئی میَں ایہہ نہیں کر سکاں گا۔

اوہنے چھیتی نال حکم منیا۔ اوہ اوس گھٹے نال بھرے راہ اُتے اکلا نہیں جاندا پیا سی۔ اتھوپیا دی ملکہ دے خزانے دا وزیر اوہدے نال راہ وچ آپنے رتھاں اُتے وڈا جلوس لے کے جاندا پیا سی۔ ایس بندے نے ۰۲۱ میل تھوں بہتا راہ طے کیتا پئی یروشلیم جا کے عبادت کر سکے۔ اوہ ہیکل وچ آپنے نال مہنگے طومار لے کے آیا سی۔ جدوں اوہ سفر کردا پیا سی، اوہ کلامِ مقدس دیاں آیتاں نوں اوس طومار دی مدد نال اُچی اُچی پڑھدا پیا سی۔

فلپس دوڑ کے اوس جلوس وَل گیا۔

فلپس: ”کیہ تہانوں ایدی سمجھ وی آوندی پئی اے جو تُسی پڑھدے پئے ہو؟“

حبشی: ”نہیں۔ میرے کول کوئی ایسا نہیں اے جیہڑا ایہہ مینوں سمجھا سکے۔ آ میرے نال بہہ تے مینوں سمجھا ایہد کیہ مطلب اے۔“

فلپس: ”تُسی مسیح دے بارے وچ پڑھدے پئے او۔ اوہ خدا تیک جان دا اکلا راہ اے۔ اوہدے اُتے ایمان لیاﺅ تے اوہ تہانوں تہاڈی حیاتی دے مقصد تیک لے جاوے گا تے آون والی حیاتی تیک وی۔“

حبشی: ”میرا ایمان ہے پئی یسوع خدا دا پُتر اے۔“

فلپس اک منزل تیک اپڑن والے نشان وانگ سی جنہے یسوع وَل اشارہ کیتا۔ تے خزانے دا وزیر اوہدی ہدیت اُتے ٹُریا۔

اوہدے دل نے ٹھیک راہ چُن لیا سی۔ اوہ خوشی خوشی آپنے گھر واپس چلا گیا، تے اسی سارے اوہدے بارے وچ اینا ای جاندے اَں۔

مینوں یقین اے پئی تہانوں وی خدا تیک جان والے اکلے راہ دے بارے وچ پتہ ہووے گا تے تُسی وی یسوع تیک اپڑن والے نشان وانگ ہوو گے: گھر وچ، سکول وچ، آپنے بیلیاں دے نال۔ تے کسے ناں کسے دن جرمنی وچ، جتھے منزل تیک اپڑن والے نشان دی بڑی لوڑ اے جیہڑا یسوع تیک لے کےجاندا اے۔ سگوں افریکہ تے ایشیا وچ وی۔

لکھاں لوکاں دے کول کوئی پتہ ہے نہیں۔ اوہناں نے اجے تیک نہیں سُنیا پئی یسوع ای اکلا راہ اے جیہڑا خدا تیک لے کے جاندا اے۔

لوک: بیان کرن والی، مُنڈا، کُڑی (لینا)، کیتھی، فرشتہ، فلپس، حبشی خوجہ

حقوق: بحق سی ای ایف جرمنی محفوظ نے۔