Home -- Fulfulde -- Perform a PLAY -- 078 (Lou Ling makes a decision)
78. Luu Ling fiåii anniye mun
Hari oo wi’eteeɗo Lou Ling no jogii satteende moolanaande. Himo miijaade fii sanamuuru waaliindu ndun e hoore feeteewo wongo ka baafal naatirgal ngal. O wuuruno e leydi Siine ndin, awa le mawåe makko åen wi’i wondema ko nden huntere leggal woni Alla.
Ɗun hinaa goonga, ɗun waawa tun wonude goonga. Alla jom ngurndan ɗan on no ka kammu, awa oo nanndola wonɗo e ngoo feeteewo hinaa huunde si wonaa sanamuuru maydu. Hari hindu no jogii juuɗe kono ndu gaynataa wallitagol hay gooto. Hari hindu jogii hunduko, kono ndun waawataa haalude. Hindu jogii noppi kono ndu waawataa nanude.
Yimåe åen no rewude sanamuuru ndun, kono åe anndaa wonde Alla jom ngurndan ɗan on no toŋi ɗun tigi : Ko min woni Alla mon Joomiraaɗo on, on haanaa sujjande Alla goo woo yawti lan min.
Lou Ling miijitii fii ɗun.
Lou Ling : "Hara ko Alla tigi-tigiijo on tigi woni e hoore ngal ɗaggal ɗon?"
Ka duɗal makko ngal almasiiyaaåe åen, hari o nanii no wowlee fii Alla goongaajo tigi-tigiijo on. O nanuno wonde o nelii Åiɗɗo makko on ka aduna fii ko maayana yimåe åen fow sabu junuubaaji ɗin. O ŋalɗi fewndo ko o nani wonde o immintinaama åawto ko balɗe tati feýýi, awa non himo wuuri jooni ka kammu.
Ko hombo jogii goonga? Ko Alla tigi-tigiijo on? Ko annabi Iisaa kaa ko sanamuuru ndun ka suudu maååe?
Lou Ling : "Miɗo anndi ko honɗun mi waɗata : mi iray sanamuuru suudu amen ndun ka nder tata. Si tawii ndu artii ka ngurndan, haray mi annday ontuma wondema ko ndu Alla tigi-tigiijo on."
Lou Ling ýetti peeluwal, o yahi ka tata, o surri ɗon sanamuuru ndun. Hari himo weltodi e miijo makko ngon, o hooti ka suudu. Ñallal aranal ngal feýýi. Ñallal ɗimmal ngal, o yahi ka qaburu fanɗuɗo, o jasiri seeɗa senngo. Hari haa jooni sanamuuru ndun no waalii ɗon. Hari o waawataa habbaade haa ñallal tammal. Kono nden ñannde e wano ɗeya balɗe hedditiiɗe ɗen non, tawi sanamuuru ndun no maayi haa jooni ka nder leydi.
Lou Ling : "Jooni non, miɗo gomɗini Iisaa Joomiraaɗo on, on maayanɗo lan e on immintinaaɗo."
Lou Ling ýettii anngisaare moýýere, wonde kadi himo hendaade nafooore nden fii ko Alla wondi kon e makko e ko tawi kon hinaa o aaden weddiiɗo.
Alla no yewti ka daaluyee makko :
"Ko min woni Alla mon Joomiraaɗo on, a heåataa allaajo goo yawti lan min. Hay huunde haanaa hittande ma åuri lan min."
Yewtooåe : Fillitotooɗo, Lou Ling
© Copyright : CEF Allemagne