Home -- Guarani -- Perform a PLAY -- 078 (Lou Ling makes a decision)
78. Lou Ling py´apeteï
Lou Ling ojehecha peteî problema tuichávape: Oñepy´amongetahína peteî estatua oîa hógarokê árire. Ha´e oiko Chiname ha itúakuera he´ímia upéva ha´eha Ñanejára ra´anga.
¿Na´añetéi péva ndaikatúiha oikóo? Tupâ oikovéva oî yvágape, ha péva estante ári oîa ha´e peteî ídolo omanómava´ekue. Oguereko ipo ha ndaikatúi oipytyvô. Ijuru ha noñe´êi. Ijapysa ha nohêndúi.
Omomorâ ha ovenera chupe hikuái ha umi ojapóvaguive ndoikuaái Ñandejára ndoipotáiha ñamomorâ ko´âichagua ta´angápe: Che ha´e ndejára, ani reguereko ambue jára chejave.
Lou Ling oñemindu´u:
Lou Ling: "¿Oiménepa pe ta´anga oîva pe estante ári ha´e añetehápe Ñandejára?"
Mbo´ehao cristiano ha´e ohohápe ohendukuri Ñandejárarehegua. Ombou hague ita´ýrape yvy ape ári omanohaguâ ñanerembiapovaikuére. Oímpresionachupe oikovejeyhague ha ko´âga oîha yvágape.
¿Máva irrazón? ¿Máva ha´e Ñandejára añetete? ¿Jesús téra pe ta´anga oîva hógape?
Lou Ling: "Che aikuaa mba´épa ajapóta, añotýta ñande Ñandejárape yvotytýpe. Ha orresucitáramo aikuaáta ha´épa Ñandejára añete."
Lou Ling ojagarra peteî yvy jo´oha ha oho jardínpe oñoty hi´idolope. Vy´ápe ojerejey hógape. Ohasa peteî ára tenondegua.
Mokôi árahápe ha´e oñani sepultura´igotyo ha ojapo peteî kuara´i – pe ídolo´i oîgueteri. Haimete nohâ´arôi oguahê mbohapy ára, - ha katu avei mbohapy ára hápe pe ídolo ndoku´evéi ha opyta upépe.
Lou Ling: "Ko´âga a cree Jesúsre, omano ha orresucitahague cherehe."
Lou Ling oñemoî py´a peteîme ha upéi heta jey oñeha´â oikuahaguâ Ñandejára oîha ipypevoi ha ndohejáiha chupe araka´eve.
Tupâ he´i iñe´ême:
"Che ha´e ndejára, ani reguereko ambue jára chejave. Mba´eve ndatuichavéivaerâ ndéve ha rehayhuvevaerâ chehegui." (Éxodo 20,3)
Personajes: Relator, Lou Ling
© Copyright: CEF Germany