STORIES for CHILDREN by Sister Farida

(www.wol-children.net)

Search in "Fulfulde":

Home -- Fulfulde -- Perform a PLAY -- 067 (Proof of Jesus)

Previous Piece -- Next Piece

DRAMAS -- perform them for other children!
Plays for children to perform

67. Fii seedeeji annabi Iisaa ɗin


Saarata : "Ko honno mi hoolorta ɗun ko goonga?"

Ko honɗun faalaɗaa wi’ude?

Saarata : "Fii ko fewti kon annabi Iisaa. Hara hiɗa waawi hollude seede fii ko o woni kon Åiɗɗo Alla on?"

Hara hiɗa waawi seeditaade ko a Saarata?

Saarata : "Wondude e kartal dantitee on. E hin-le non kanko annabi Iisaa o jogaaki kartal dantitee fii makko."

Accu mi holle ɗoo karte dantiteeje jowi ɗe annabi Iisaa jogii!

Saarata : "Hari himo jogii karte dantiteeje jowi. Hara ɗun ko goonga?"

Annabi Iisaa hendike kartal dantite aranal ngal e juuɗe Alla. Ko o lootetee maande kisiyee on hawa iwi ka kammu wi’i ɗun ɗoo.

Alla (hawa nootitannde) : "Oo ɗoo ko Åiɗɗo an yiɗaaɗo, mo mi weltori on : Heɗitee mo!"

Kartal dantite ɗimma ngal ko Kitaabul Muggadasi on. Kiitol kala fewtungol Åiɗɗo Alla on timmii e nder teemedere kala e fee annabi Iisaa.

Seedee tammo on ko Åiɗɗo Alla on ko ummutal makko ngal. Himo wuuri. Seedeeåe ɗuuɗuåe yi’ii mo.

Yimåe åen jonnii mo kartal dantite nayaåal ngal.

Yimåe annduåe mo åen wi’ii wonde :

Yimåe : "Ka haqiiqa, hari oo ko Åiɗɗo Alla."

Saarata : "Kartal dantite gootal no heddii."

Aru mi holla maa on seede e ndee nokkuure wi’eteende Kanaa. Peera waɗuno ɗon. Saare nden tawdaa e peera on kamåe e jomba e jom jomba ko timmata balɗe jeeɗiɗi. Annabi Iisaa e weldiååe makko åen kamåe kadi åe saatinano. E hin-le non hari åe fellitaa kamåe kadi wondema ko kanko woni Åiɗɗo Alla on. Hari saatinaaåe åen no weltii. Åe beyti, åe ami, åe fiji, åe ñaami, åe yari. Onsay non, goɗɗun hewti : njaram wiiñu ɗan lelli. Hay huunde ko yaretee alaa e nder suudu ndun fow.

Saarata : "Hino wondi e jiåi-liåi."

Yumma Mariyama woni ko adii yi’ugol ɗun. Åe holli ɗun annabi Iisaa, kanko kadi o yamiri kurkaaɗi ɗin ɗun ɗoo :

Iisaa : "Hebbinee looɗe ndiyan ɗen haa ɗe heewa tew ndiyan."

Hari hiåe jogiii ɗon 160 gallons (liitirji 605,67) ndiyan ñogaaɗan. Onsay non?

Iisaa : "Ñeɗon, naåanon ardotooɗo fii ñaameteeji on, himo haani mettaade ɗan."

Ardotooɗo fii ñaameteeji on yari seeɗa, onsay o yahi ka wonɗo e tiggude on.

Ardotooɗo fii ñaameteeji on : "Ko honto heåuɗaa ɗan njaram wiiñu ɗoo, haa hannde hari mi yaraali sugu majjan e nder ngurndan an fow."

Annabi Iisaa waylii ndiyan ɗan njaram wiiñu!

Ko kaawake makko arano on nii. Kawakeeji ɗin ko seedeeji holluɗi fii kartal dantitewal annabi Iisaa ngal, fii åangingol wonde ko kanko tigi woni Åiɗɗo Alla on. Taalibaaåe åen yi’ii on kaawake, åe gomɗini annabi Iisaa.

Ko karte dantiteeje jowi woni fii Åiɗɗo Alla on. Ko ɗe seedeeji laaåanɗi lan min. Miɗo gomɗini mo. Hara an kadi a waɗay ɗun?


Yewtooåe : Fillitotooɗo, Saarata, hawa Alla kan, yimåe åen, Iisaa, Ardotooɗo fii ñaameteeji on

© Copyright : CEF Allemagne

www.WoL-Children.net

Page last modified on December 21, 2021, at 12:32 PM | powered by PmWiki (pmwiki-2.3.3)