Home
Links
Contact
About us
Impressum
Site Map


YouTube Links
App Download


WATERS OF LIFE
WoL AUDIO


عربي
Aymara
Azərbaycanca
Bahasa Indones.
বাংলা
Български
Cebuano
Deutsch
Ελληνικά
English
Español-AM
Español-ES
فارسی
Français
Fulfulde
Gjuha shqipe
Guarani
հայերեն
한국어
עברית
हिन्दी
Italiano
Қазақша
Кыргызча
Македонски
മലയാളം
日本語
O‘zbek
Plattdüütsch
Português
پن٘جابی
Quechua
Română
Русский
Schwyzerdütsch
Srpski/Српски
Slovenščina
Svenska
தமிழ்
Türkçe
Українська
اردو
中文

Home -- Macedonian -- Perform a PLAY -- 040 (The small sailboat)

Previous Piece -- Next Piece

КУСИ ИЗВЕДБИ – одглуми ги пред други деца!
Куси изведби за да ги изведуваат деца

40. Малата едрилица


Конечно дојде распустот! Јове долго го чекаше тоа. Сакаше да спие и да има многу време за своето хоби.

Повеќе денови работеше со ентузијазам правејќи модел на едрилица. Му беше дури дозволено да оди во работилницата на татко му. Последното што го направи беше да ја обои едрилицата со црвена и сина боја и на сите три јарболи да закачи бели едра. Гордо отиде со својата мала едрилица на брегот и ја пушти да се лизга по брановите. Тој не виде дека го гледа една група момчиња кои му се приближија.

Момче: „Дали сам ја направи едрилицата? Ќе ти ја земеме и ќе ја пуштиме да отплови“.

Пред Јове да каже збор, го турнаа во трските. Додека успеа да стане, бандата ја немаше, а и неговата едрилица.

Речиси со плачење се врати дома.

Таткото: „Ќе ти купам нова едрилица“.

Јове: „Но, тато, повеќе би сакал да ја имам онаа што ја направив сам“.

Поминаа повеќе недели. Еден ден Јове виде едрилица во излогот на една продавница.

Јове: „Тато, оваа е мојата едрилица!“

Таткото: „Дали го знаеш тоа со сигурност?“

Јове: „Да, сигурен сум. Зар не ја гледаш ознаката на крмата?“

Јове со трчање влезе во продавницата и ѝ се обрати на продавачката:

Јове: „Оваа едрилица не е ваша. Ми припаѓа мене“.

Таткото на Јове ѝ објасни сè на зачудената жена. Кога заврши, таа рече:

Продавачката: „Ја купив едрилицата од една група момчиња. Ќе направиме договор: ќе ти ја продадам едрилицата за сумата што ја дадов за неа“.

Јове се согласи и плати за едрилицата што тој самиот ја направи.

На патот кон дома рече:

Јове: „Мала едрилице, сега ми припаѓаш двапати. Прво, те направив, второ, те купив“.

Таткото: „Дали, исто така, му припаѓаш двапати на Бог?“

Јове: „Зошто двапати?“

Таткото: „Па, Бог го создал човекот, но потоа човекот се оддалечил од Бог поради гревот. Кога Исус умрел на крстот, платил со Својот живот за да може повторно да Му припаѓаме на Бог“.

Јове: „А како можам да знам дали Му припаѓам на Бог двапати?“

Таткото: „Замоли Го Исус да ти ги прости сите гревови, замоли Го да дојде во твојот живот и тогаш ќе бидеш Божјо дете. Како Божјо дете, Му припаѓаш на Бог двапати“.


Улоги: Раскажувач, момче, Јове, татко, продавачка.

© Copyright: CEF Germany

www.WoL-Children.net

Page last modified on August 08, 2023, at 08:42 AM | powered by PmWiki (pmwiki-2.3.3)