Platt - Low German, Dramas: Piece 040 – Daut kjliene Säajelschepp

Home -- Platt (Low German) -- Perform a PLAY -- 040 (The small sailboat)

This page in: -- Albanian -- Arabic ? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi ? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam ? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German ? -- Tamil -- Turkish -- Ukrainian -- Urdu -- Uzbek

Previous Piece -- Next Piece

DRAMASTEKJA – doo aundre Kjinja daut väaspälen!

Dramastekja fa Kjinja toom väadroagen

40. Daut kjliene Säajelschepp

Entlich Fierien! Jörg haud sich aul soo sea doato jefreit. Hee wull sich mol utschlopen, un väl Tiet haben fa sien Scheengon.

Met väl Bejeistrung deed hee Doagelang aun sien Säajelschepp buen. Hee durf sogoa in Pape siene Woakjsto bennen obeiden. Un tolatzt deed hee sien Schepp met roode un bleiwe Foaw bemolen. Aun dee dree Stanjen deed hee een wittet Säajel opphänjen. Stolt jinj hee met sienem Schepp no de Kaunt Wota un leet daut met Freiden opp däm Wota schwamen. Un soo wia hee daut uk goanich enjeworden, daut doa eene Grupp Junjes am beobachten deeden un ema noda kaumen.

Junje: "Hast du daut Dinj selfst jemoakt? Daut woa wie nu mol schwamen loten."

Un aus Jörg noch nich mol waut sajen kun, kjrieech hee eenen Schups, un foll im Schelp nen. Bat hee wada oppjestonen wia, wieren de Junjes wajch, un uk sien Schepp.

Hee jinj nohus, un am wia bloos no roaren.

Voda: "Ekj woa die een nieet kjeepen."

Jörg: "Ach, Voda, ekj well oba väl leewa mien selfstjemoaktet."

Wäakjen wieren nu aul vegonen. Aun eenem Dach sach Jör oppeenmol bie eenem Stua im Fensta een Schepp.

Jörg: "Pape, daut es mien kjlienet Säajelschepp!"

Voda: "Weetzt du daut gaunz neiw?"

Jörg: "Jo, gaunz jenau. Kaust du nich daut Tiekjen aum Schepp seenen?"

Jörg pralld im Stua nen un fuatz no de Stuafru:

Jörg: "Dit Schepp jehieet die nich. Daut jehieet mie."

Jörg sien Voda deed däa dan aules erkjläaren un tolatzt säd see dan:

Stuafru: "Soo, ekj hab dit Schepp von een poa Junges jekoft. Ekj moak die een Aunjebot: Ekj jäw die daut Schepp fa däm Pries, fa waut ekj daut jekoft hab."

Jörg wia doamet envestonen un betold daut Schepp met sienem Jelt waut hee selfst jebut haud.

Aus see trijgonen sajcht hee:

Jörg: "Kjlienet Schepp, nu jehieescht du mie tweemol. Eenmol hab ekj die jemoakt, un daut aundamol hab ekj die jekoft."

Voda: "Deist du Gott uk tweemol aunjehieren?"

Jörg: "Wuarom tweemol?"

Voda: "Na, Gott haft ons Menschen jemoakt, oba dan sent wie derch daut Beese von Gott wajchjekomen. Aus Jesus aum Kjriez storf, haft hee met sienem Läwen betolt, doamet wie wada Gott aunjehieren."

Jörg: "Un woo kaun ekj daut weeten daut ekj Gott tweemol aunjehieren doo?"

Voda: "Doo Jesus froagen, aus hee die aulet Onrajchte vezeien well un daut hee in dien Läwen nenkomen saul. Dan best du Gott sien Kjint, un aus Gotteskjint jehieescht du tweemol to Gott."

Persoonen: Eena waut vetalen deit, Junj, Voda, Stuafru

STORIES for CHILDREN by Sister Farida

40. Daut kjliene Säajelschepp