Home -- Quechua -- Perform a PLAY -- 137 (The destination indicator 5)
137. Ñanta rikuchejkuna 5
Niña: "Tawa kaj yachakuy, kay Escuela Kawsayman pusajmanta: Ñanta rikuchej - El indicador de camino."
(Tránsito de calle…)
Elena: "¿Kunan maynintataj kay ñan rinrí?"
Doris: "Kunanrí, uumm chay ñanta rikuchinawanchejpaj papel wasi kinraypi kasharqa."
Elena: (con tono de reproche) "Sumaj á, ¿imanasuntaj kunan?"
Doris: "Jaqaypi uj ñanta rikuchej kashan."
¿Maymanchus chayanankuman chayankumanchu karqa chay iskayqa? Walejpuni chay ñanta rikuchejkuna kasqanqa. Mana callesllapichu, manachay kawsayninchejpajpis. ¿Yacharqankichu Diosmanta ñanta rikuchejkuna kasqanta?
Niño: "¿Imaynataj chayrí?"
Makisniyoj chakisniyojta, simiyoj, ninriyojtaj, Felipe kasqa jina. Chay rikuchejqa yachasqapuni mayqen ñanchus Diosman chayachisqantaqa. Sumajta willayta yachasqa, askha runakunaman rikuchisqa Jesús ñan kasqantaqa.
Ángel: "Felipe, inti yaykuy ladoman riy, Jerusalénmanta Gazaman yaykoj ñanta."
Diosqa Felipeta oqharisqa, qantapis Diostata oqhariyta munasunki. Pay necesitan chay ñanta rejsijkunata, ¿munankichu Jasús ñan kasqanta rikuchij kayta? Askhata yachakuyta atiwaj Felipemantaqa. Payqa ni jayk’aj nisqachu: Mana ganasniy kanchu, nispaqa. Payqa kasullasqa, chay jallp’a ñankunata rispa mana unaytachu sapan kasqa.
Jinallapi uj manchay k’acha carrozapi Etiopiamanta qolqemanta yachaj ministro rishasqa. Chay runaqa 200 km rishasqa Jerusalénpi oranampaj. Templopi rantikusqa uj rollopi Diosmanta qhelqasqata askha qolqewan. Chay chhika karuta rin jinata Diosmanta qhelqasqata manchayta ñawirisqa.
Felipetaj chayllapi rikhurispa t’ijuspa tariparqosqa.
Felipe: "¿Entiendenkichu chay ñawirishanki chaytaqa?"
Etíope: "Mana, nipi allinta explicariwaj kanchu arí. Carretayman wicharimuy imamantachus kay qhelqasqa nishasqanta sut’inchawanki."
Felipe: "Imatachus ñawirisqaykeqa Jesusmanta nishan. Payllamin ñan Diostataman chayanapajqa. Creey Paypi, Paytaj maymanchus chayanaykiman pusasoqa, cieloman."
Etíope: "Creeni Jesúsqa Diospa Churin kasqanta."
Felipeqa ñanta rikuchej karqa, Jesús ñan kasqanta rikuchisqa, chay gobiernowan llank’aj etíopemanta runataj chay ñanninta riyta qallarisqa. Sonqonqa chejqa ñanta tarisqa. May kusisqa suyunman kutipusqa. Ajinata willan chaymanta Bibliaqa.
Yuyani qampis chay cheqa kaj ñan Jesús Diosman chayanapaj kasqanta rejsisqaykita, ñanta rikuchejtaj kay: wasiykipi, escuelaykipi amigosniykipaj. Aswan qhepaman Alemania suyupichus cheqan ñanta rikuchishanki, chaypeqa maytapuni necesitashanku cheqan ñanta rikuchejkunataqa. Chanta Africa suyupi, jinataj Asia suyupipis.
Imaraykuchus 2 mil millones runakunapuni chaypi necesitanku cheqan ñanta rikuchejkunamantaqa. Ni jayk’aj uyarinkuchu Jesúslla Diostataman chayanapaj ñan kasqantaqa.
Personajes: Relator, niña, niño, Elena, Doris, ángel, Felipe, etíope
© Copyright: CEF Germany