STORIES for CHILDREN by Sister Farida

(www.wol-children.net)

Search in "Platt":

Home -- Platt (Low German) -- Perform a PLAY -- 008 (Earthquake at midnight)

This page in: -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- German -- Greek -- Guarani -- Hebrew? -- Hindi -- Indonesian -- Italian -- Korean -- Kyrgyz -- Malayalam? -- PLATT (LOW GERMAN) -- Portuguese -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swiss German? -- Tamil -- Turkish -- Urdu? -- Uzbek

Previous Piece -- Next Piece

DRAMAS -- perform them for other children!
Plays for children to perform

8. Ieedbäben bie Medd Nacht


Daut Schepp haud aun de Kaunt vom Wota aunjehoolen. Paulus un sien Frind Silas jinjen nom Launt un kaumen uk boolt no de Staut Filippi.

Opp däm Moakjtplautz un opp de Gausen säden see dit wieda:

Paulus: "Gott leeft junt. Hee haft sienen Sän opp de Ieed jeschekjt. Jleeft aun däm Harn Jesus, dann woa jie jerat woaren."

Lydia jleewd daut un see horcht jiern too aus see de Jeschichten von Jesus vetalden. Aundre wieren schwierich un brellden sea veoajat.

Maun: "Dee moaken daut hia bloos orruich. Wie wellen daut nich hieren. Wajch met dän, bloos wajch met dee beid."

Steena fluagen mo soo. Daut dieed nich lanj, dan wia daut gaunze Volkj jäajen Gott siene Deena oppjehett. See reeten an de Kjleeda vom Lief un deeden iend met de Pitsch kjielen. Schleme Blootstriepen hauden see opp däm Rijen vom schlonen. In eenem dunklen, fächten Jefenkjnisrum deed de Jefenkjniswajchta äare Henj un Feet in eenem Holt faustschruwen. Aules deed an wee, de Rijen brennd sea.

In de Bibel steit, daut de Jefanjne nich jaumanden un fruagen, wuarom deit Gott sowaut toloten? Oba see sunjen un lowden Gott. Un dann passieed waut: Platzlich kaum Gott siene Help derch een stoakjet Ieedbäben. De Kjäden jinjen los un de Däaren hupsten op.

Derch aul dit Jelud wuak de Jefenkjniswajchta opp. Sien ieschta Jedanken wia: De Jefanjne sent aula wajch. Ut Angst fa sienem Boss wull hee sich selfst dootmoaken. Hee naum sien Schwieet...

Paulus: "Hool aun, doo die nuscht beeset aun. Wie sent noch aula hia."

In werklich, kjeena wia utjekläft. De Jefenkjniswajchta zetad un foll ver Paulus siene Feet.

Jefenkjniswajchta: "Waut mott ekj doonen, doamet ekj jerat woa?"

Paulus: "Dut motzt nuscht doonen. Jesus haft aul aules fa die jedonen. Jleew aun däm Harn Jesus, dan woascht du jerat."

Soo eefach es daut. De Jefenkjniswajchta jleewd, un wort een nia Mensch. Hee deed de Jefanjne nich mea schlajcht behaundlen, oba hee gauf iend to äten un deed äare Blootstriepen besorjen.

Aum näachsten Zemorjens schejden de Rechtasch Deena nom Wajchta un leeten am sajen: Lot de Mana frie. Dann kaumen see sich oba noch selfst entschuljen bie de Jefanjne wiels see iend orrajcht behaundelt hauden. Un dann jinjen Paulus un Silas wada froo wieda un vetalden noch väl aundre Menschen:

Paulus: "Jleeft aun däm Harn Jesus, dan woa jie jerat un haben eewjet Läwen bie Gott."


Persoonen: Eena waut vetalen deit, Paulus, Maun, Jefenkjniswajchta

Copyright: CEF Germany

www.WoL-Children.net

Page last modified on May 27, 2020, at 10:05 AM | powered by PmWiki (pmwiki-2.2.140)