STORIES for CHILDREN by Sister Farida

(www.wol-children.net)

Search in "Fulfulde":

Home -- Fulfulde -- Perform a PLAY -- 008 (Earthquake at midnight)

Previous Piece -- Next Piece

DRAMAS -- perform them for other children!
Plays for children to perform

8. Dimbande leydi ndin ka tataåal jemma


Laana ndiyan kan darike ka pencen. Puulusa e Silaasi weldiɗɗo makko on no seppude, yaha haa e ndee saare wi’eteende Filipii.

Ka maakiti e ka hoore ɗate, hiɓe yewta yewtereeji buy :

Puulusa : "Alla no yiɗi on. O neli Ɓiɗɗo makko on ka aduna. Si on gomɗinii e innde Iisaa Joomi on, on dandete."

Linda gomɗi, o heɗitii e dow weltaare taariikaaji sifiiɗi ɗin fii annabi Iisaa. Woɓɓe goo no monii, hiɓe sonka wi’a :

Gorko : "Ɓe murtinay woni jamaa on! Men faalaaka heɗitaade ɗun. Yaltinee ɓe ɗoo!"

Ɓe bugii ɓe kaaƴe. Tun nde wootere jamaa on fow woni e sonkugol e hoore nelaaɓe Alla ɓen. Yimɓe goo moninoo ɓe seeki conci Puulusa e Silaasi ɗin, ɓe focci ɓe. Ɓaawo maɓɓe ngon muusi ɓe sabu ko ɓe piyiraa kon cabbi waɗaaɗi ƴi’e ka bindeere. Ɓa bugaa ka kaso niɓitungo e ɓuuɓungo ka aynuɓe kaso on ɓen dumbi koyɗe maɓɓe ɗen e juuɗe ɗen. Hiɓe barminaa ɓe fow, ɓalli maɓɓe ɗin no wuli muuseendi. Ka Kitaabul-Muggadasi, hiɗen jangude fii ko kasooɓe ɓen alaa kon e wullitaade, wi’a : "Ko honɗun Alla accani ɗun heɓi men?" Edii ɗun, hiɓe beytande Alla beyti ka tumbere jemma. Saa’i on non hewti : Alla faabii ɓe e nder dimbugol leydi ndin. Jolokeeje ɗen yani, ɗe udditii. Aynuɗo kaso on fini sabu ko hito ngon waɗi kon. Miijo makko arano ngon ko wi’ugol wondema kasooɓe ɓen fow dogii. Hari himo huli hooreejo makko on, tawi himo falaa maayude. O ƴetti kaafa makko kan ...

Puulusa : "Habbo! Wota a waɗitu bone woo. Men fow meɗen ɗoo."

Tigi-tigi, gooto dogaali. Himo jiɓii, aynoowo kaso on yani yeeso Puulusa.

Aynuɗo kaso on : "Ko honɗun mi waɗata fii yo mi dande?"

Puulusa : "A haanaa waɗude hay huunde. Annabi Iisaa waɗanii ma fow. Gomɗin Iisaa Joomi on, ɗun a dandete."

Ko non ɗun weliri fii. Aynuɗo kaso on gomɗi, o wattitaa. O waɗitaali kasooɓe ɓen bone han kadi, kono o okkori ɓe ko ɓe ɲaama, o sellinani ɓe barmeeji maɓɓe ɗin.

Bimbi mun, ɲaawoowo on immini woɓɓe haa e aynuɗo kaso on, o wi’i mo yo o accitu kasooɓe ɓen ɗiɗo. Ɓe ari kamɓe tigi, ɓe torii ɓe yaafuyee fii jikku maɓɓe bonɗo on telenma Puulusa e Silaasi. Ɓawto ɗun, Puulusa e Silaasi yahi kadi e nokkuuji ɗuuɗuɗi, ɓe feɲɲani yogaaɓe wonandema :

Puulusa : "Gomɗinee Iisaa Joomi on, ɗun on dandete, hendoɗon ngurndan poomayankejan ɗan."


Yewtooåe : Fillitotooɗo, Puulusa, gorko, aynuɗo kaso on

© Copyright : CEF Allemagne

www.WoL-Children.net

Page last modified on December 01, 2021, at 09:06 AM | powered by PmWiki (pmwiki-2.3.3)