STORIES for CHILDREN by Sister Farida

(www.wol-children.net)

Search in "Aymara":

Home -- Aymara -- Perform a PLAY -- 129 (Shabola from South Africa)

Previous Piece -- Next Piece

DRAMAS -- perform them for other children!
Plays for children to perform

129. Shabolajj cieloruw sarjje


(martillow lekesi)

Papá: “Shabola, walic lurasctajja.”

Shabola: “Kharüruw asutjatjamaw sartjjäjja. Au, ucajj cayujjänwa.”

Papá: “Martillonp trabajañjj karjjasmachactawa. Ma juc’ samart’am ucatjja ñek taquiñamäniwa pampan kholöñapcama.”

Shabolajj ch’iwiruw kont’asïna. Mä monön arnakatap ist’atayna. Tatapasti uca Sudafrica chumi mankhan utap lurascaquitaynawa. ¿Aldea misioneronacan escuelapjam jiwaquïpachäniti?

Papá: “Shabola, trabajascaquiñani.”

Jiwaquïnwa awquipar yanapañajja, ucampisa escuelar sarañaw juc’amp munäna.

Khepürusti, tonko pekat phiri mankasitatsti uqhamaraqui chokop mantequillampi, escuelaruw sarantatayna. Umfundis jupaw gustäna, cunjamtejj maestrarojj Simbabwen sapcäna juparu. Take wawanacaw munapjjäna.

Ucampis Shabolarojj religión yatichawiw juc’amp gustäna. Uca clasenjja chiyar chhurqhu ñic’utan wawaw wal ist’änjja.

Maestra: “Mä jisc’a ovejita jan inact’iri tamapat t’ijusaw sarakatayna ucatjj chhakjjatayna. Awatirijj tam apanucusinjja thakheriw saratayna. Thakhänwa, thakhascaquïnwa catuñcama. Chhaphinac taypit ovejitar waysutayna ucat utaruw ichjjarus apjjatayna, cunalaycutejj wal munasïna. Tatit Jesusaw Suma Awatirijja. Alajj pachat aca pachar jüti chhakhatanacaru thakhañataqui.”

Shabola: “Umfundis, mä chhakhat ovej-jamättwa. ¿Jesusajj nayar thakharaquituti?”

Maestra: “Jïsa, thaktamwa, jumar munatamata. Jesusañtï munstajja, Jupar sama.”

Mä urujja Shabolajj janiw escuelar sarcänti. Alwat sartañ munäna, ucampis wali calenturanïnwa ucatjja p’eke muyuraquitaynawa.

Mamá: “Shabola, wali calenturanïtawa. Layka kolliriruw anchhitpachaw irptanï.”

Shabola (jan ch’amani): “Janic thakhamti. Janiw yanapcaspati.”

Shabolajj jan ch’amanïnwa ucatjj c’achatac parläna. Domingojj maestrajj visitiriw jutatayna.

Maestra: “Shabola, ancha usutätawa. ¿Jiwañamäch ucqhajj camachatasa? ¿Waquichatätati?”

Shabola: “Tatit Jesusaw Awatirijjäjj. Niyaw alajj pachar apjjer jutani.”

Shabolajj nayr ch’ïrmthapjjetaynawa ucatsti janiw juc’amp jist’arjjänti. Imäwinjja Umfundisajj suma Awatirit cuentäna.

Acatjamat tatapajj jisc’a ataw ladon quillt’asitayna ucat oratayna:

Papá: “Tatit Jesús, jichhajj Shabolajj jumampïjjewa. Ucanjj wali sumäjjewa. Nayajj jumancañ munäractwa. Juchanacajj perdonita ucatjj nayan Suma Awatirijjäma. Amén. Umfundis, janiw ancha llaquitäjjti, yatjjtwa Shabolarojj cielon uñjj-jjäwa.”


Uñstirinaca: Parliri, papá, mamá, Shabola, maestra

© Copyright: CEF Germany

www.WoL-Children.net

Page last modified on October 08, 2018, at 01:56 PM | powered by PmWiki (pmwiki-2.2.109)