STORIES for CHILDREN by Sister Farida(www.wol-children.net) |
|
|
Home عربي |
Home -- Quechua -- Perform a PLAY -- 101 (Wellhidden 1) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- Platt (Low German) -- Portuguese -- Punjabi -- QUECHUA -- Romanian -- Russian -- Serbian -- Slovene -- Spanish-AM -- Spanish-ES -- Swedish? -- Swiss German? -- Tamil -- Turkish -- Ukrainian -- Urdu -- Uzbek
JUCH’UY WAKICHIYKUNA – rejsichisqa waj wawakunapaj!
Juchuy Kuentitus wawaskunapaj Ruwaskan
101. Sumaj pakasqa 1Sebastiánqa manchay kusisqa jamurisqan wawaku tantakusqanku chaymanta, manchayta asirichisqa: wawitay tiyan, nispa wakinkunataqa. Pay niyta munasqa sullk’a hermanitun kasqanmanta, maman juch’uy wawitayoj kasqa. Unay unay watakuna Miriampis manchay kisisqa kallasqataj juch’uy sullk’itayoj kaspaqa. Manchay k’acha wawa kasqa, jinapìs Miriamqa mana Sebastián jina wajkunaman willayta aterqachu, wawitay tiyapun, nispaqa. Mamanqa tukuymanta pakasqa chay juch’uy wawataqa, imaraykuchus Faraónqa, Egipto suyupi kamachejqa, uj kamachiyta orqhosqa waqanapaj jina: Faraón: "Israelitakunaqa astawan astawan askhayashanku, jinamanta sayaykuewasunman contranchejta enemigosninchej jina. Chayrayku kay kamachiyta qoshani llajtayman: Sichus israelitakuna uj qhari wawata paqarichinqanku chayqa, chayratopacha Nilo mayuman wijch’umunkichej." ¡Chay jina mana khuyarikuspa juch’uy qhari wawakunata wañuchinankuri! mana sonqo junt’asqachu kasqanku israelitakunata wata runamanta llank’achispaqa. Jinapis Moiséspa tatan mamankunaqa Diospi atienikuspa juch’uy wawankuta pakasqanku kinsan killankama. Diospa khuyakuynin chay juch’uy wawata jark’asqa, sapa p’unchay risqanman jinataj wawaqa wiñasqa, chayrayku manaña astawan pakayta atisqankuchu. Miriam: "¿Mamáy, imapajtaj chay t’oqorasmanta ruwankirí?" Mamá: "Uj canastata simp’ashani waway, kirpallaña kashan tukuchinaypajqa. Chay mach’a vasota jaywamuway waway, usqayta tukorqochisaj." Miriam: "¿Kayri, imapajtajrí?" Mamá: "Sumajta canastata mach’aykunaypaj á waway, mana yaku yaykunampaj. Miriam, kay wawitanchejmanta t’aqakunanchej tiyan." Miriam: "¿Imankitaj sullk’itaytari, mamay?" Mamá: "Kay canasta ukhuman churaykuspa Nilo mayu cantopi t’otoraj ukhuman churaykamusunchej." Miriam: "¿Chantarí?" Mamá: "Chanta Dioslla atiyninwan yachanqa imaynata waqaychayta kay wawataqa." Ch’insitullamanta alliysituwan mayu kantuman rinku. Mana chay mamapaj wawitanta saqerana jinachu karqa, jinapis Tata Diospi confiaspa ruwasqa. Mamá: "Miriam, t’otoras ukhuman sumajta pakaykukuspa qhawanki imachus kay wawan kananta. Noqata nipí kaypi rikunawanchu tiyan, chayrayku wasiman rillasajña." Chaynejmantaj pichá rishan. Faraónpa ususin Nilo mayuman yanapajninkunawan rishan mayllakoj. Princesa: "¿Imataj jaqaypi kashanrí? Apamuwaychej jaqay k’acha canastata." Miriamqa imanakuyta mana atisharqachu, ¿chay princesa Nilo mayuman tatan kamachisqanamn jina juch’uy wawata choqaykunmanchu karqa? (llanto de bebé) Princesa: "Uum, kayqa israelitakunaj wawanku, manchay k’achitu. Jinapis llakiiiipuni. Miriamqa pakakusqanmanta llojsispa, chay sipaskunaman qayllaykun." Miriam: "Manachu munanki, uj israelita warmita mask’apusunayta chay wawaman ¿ñuñuchipusunampaj?" Princesa: "Aaa, arí walej chay kanqa. Kunitanpacha riy mask’amuy." ¿Yuyawajchu pimanchus t’ijusqanta? Miriamqa mamánman t’ijusqa, ajinamanta askha watastawan cuidasqa maman Moisestaqa. Kusisqa Diosman agradecispa, imaraykuchus atiynillan waqaychasqa wawantaqa. ¿Manachu qantapi may chhika kutisqa waqaychakusorqa Diosqa? ¿Imaraykutaj kunampacha mana Diosman agradecsikunkichurí? Personajes: Relator, Faraón, Miriam, mamá, princesa © Copyright: CEF Germany |