Quechua, Dramas: Piece 080 – Maman manuta junt´anampaj

Home -- Quechua -- Perform a PLAY -- 080 (A bill for Mom)

This page in: -- Albanian -- Arabic ? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam ? -- Platt (Low German) -- Portuguese -- Punjabi -- QUECHUA -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German ? -- Tamil -- Turkish -- Ukrainian -- Urdu -- Uzbek

Previous Piece -- Next Piece

JUCH’UY WAKICHIYKUNA – rejsichisqa waj wawakunapaj!

Juchuy Kuentitus wawaskunapaj Ruwaskan

80. Maman manuta junt´anampaj

Imatachus manchayta Jazmín munasqanqa, uj qhatupi sumaj churarqosqeta kashasqa.

Jazmín: "Uumm qolqellay kanman. Ima kusiy kurajkunapajqa, imatachus munasqankuta qolqenkuwan rantirikunku. Aaa ujta yuyashani..."

Chay p’unchay Jasmínqa mikhunata mikhuykuytawan imata jina risqa puñunan wasi ukhumanqa. Mask’asqataj uj lápiztawan papeltawan ima.

Jazmín: "Tukuy ima ruwasqamanta sapa killamanta pagonanku Jazminman. Imaraykuchus mana noqa qhasilla imatapis ruwaymanchu:

Vidrio p’akisqasta q’opa wijch’unaman orqhona 2,- BS
Bañota llimpuchana 3,- BS
Sapa mikhusqamanta platos mayllanapaj oqharina 6,- BS
Puñunay wasita k’uchunchana, pichana ima, chayqa grave 10,- BS
Plato mayllasqasta jallch’ana maypichus kananman 4,- BS
Q’opata orqhona, chayqa millayta asnan 6,- BS

Tukuynimpi sumasqaqa...15, 20, … 31,- BS
Ama jina kaspa pagay usqayllata
Jazmínniyki kay wasipi llank’aj."

Pakaysitullamanta chay ruwasqanta cocinaman churarqosqa. Chay ch’isi mikhunankupajtaj waj cartata platunwan khuska kashajta tarisqa. Sapitallan kashaspalla kicharisqa chay cartataqa.

Jazmín: "Uumm, imachus kashan á. (abrir de carta, dinero que se cae) Aaa… nerqani jina 31 ¡PESOS…! Ni jayk’aj kay jina qhapaj karqanichu. Aa, uj carta ima kasqa:

"¡May munasqa Jasmínniy!
Kayqa pagoyki, cheqamanta manchay trabajadoritapuni kanki. Mayk’ajpis tiempituyki kajtin kay cuentata ñawiriy chaychu.
10 watata p’achaykita t’ajsani 0 BS
10 watata qampaj wayk’upuyki 0 BS
Sapa kuti onqoykojtiyki cuidaspa sonqochayki 0 BS
Qanwan pujllani 0 BS
Imatapis munajtiyki, waqajtiykipis chaypipuni qanwan mana tiempy kashajtinpi kani 0 BS

Mana astawan jatunta kay litataj ruway munanichu. Tukuy chayta kusikuywan ruwani, mayta munakususqayrayku, uj k’ata wawitay. Mamayki"

Chayta ñawirispa Jazmínqa p’enqaymanta waqay waqayta llant’asqa, sayariytawantaj maman kashasqa chayman t’ijuspa ujllaykusqa.

Jazmín: "Mamáy, ni jayk’aj ujtawan qhelqasajñachu ruwasqaymanta pago mañaspaqa. Kay chay qolqe, ¡noqa munakuyki mamitay!"

Yanapana, regalanapis kusikuyta rikuchin. Manaña unaychu kashan mamakunaj p’unchayninkumanqa.

¿Manachu kusikuyta regalayta munanki mamaykimanqa? Munayman uj k’acha wakichiywan mamaykita p’unchaynimpi kusichinaykita. Chanta amataj qonqaychu: kusirikunapaj jayway, kusirichiypis, mana mamakunaj p’unchaynillampichu kasqanta.

Personajes: Relator, Jasmín

STORIES for CHILDREN by Sister Farida

80. Maman manuta junt´anampaj