STORIES for CHILDREN by Sister Farida(www.wol-children.net) |
|
|
Home عربي |
Home -- Punjabi -- Perform a PLAY -- 120 (The newcomer 4) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- Platt (Low German) -- Portuguese -- PUNJABI -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
!ڈرامے- ایناں نُوں اپنے بیلیاں لئی ادا کرو 021. نواں بندہ ۴لوقس حیران سی۔ اوہدی بنائی ودھیا مورت دھرتی اُتے ٹُٹی پئی سی۔ ہن اوہ کدی وی انعام نہیں جِت سکدا سی۔ لوقس، اک باہر والا، دوجیاں نوں ایہہ ثابت کرنا چاہندا سی پئی اوہ وی کسے کم وچ چنگا اے۔ پر ہن اوہدی بنائی مورت تباہ ہو گئی سی۔ لوقس نوں انیتا اُتے شک سی۔ پر اوہ ایہہ ثابت نہیں کر سکدا سی۔ ہن اوہ آپنے سوئٹزرلینڈ دے گھر دے پہاڑاں دی چوٹی اُتے اکثر چڑھ جاندا۔ تے اوہ اکثر اکلا اک رُکھ اُتے بہہ جاندا سی تے کجھ گھڑدا رہندا سی۔ بندہ: ”توں اک چنگا گھڑن والا ایں، مُنڈیا۔“ لوقس نے حیران ہو کے ایدھر اودھر ویکھیا۔ ایہہ ضرور اوہ بڈھا بندہ ہووے گا جیہڑا آپنی جھوگی وچ رہندا اے۔ شہر وچ ہر کوئی چھپ کے اوہدے بارے گلاں کردا اے۔ پر ایس بندے دیاں دوستانہ اکھاں نے لوقس نوں یقین دوایا پئی اوہ اوس بندے اُتے یقین کر سکدا اے۔ بندہ: ”میرے نال آ تے میَں تینوں آپنیاں بنایاں ہویاں مورتاں وکھاواں گا۔“ (بوہے دی واج) لوقس: ”زبردست! کیہ ایہہ ساریاں مورتاں تُساں بنایاں نے؟“ بندہ: ”اک دن توں وی ایسے طرح گھڑ سکیں گا۔ خورے اک بیلی لئی۔“ لوقس: ”میرے کوئی وی بیلی نہیں نے۔“ فیر تے توں تھوڑا عجیب ایں۔ کیہ توں مینوں آپنے مسئلے بارے دسنا چاہویں گا؟ لوقس: ”ڈینی اک لنگڑا اے۔ ہر کوئی سوچدا اے پئی میَں اوہنوں نالے وچ دھکا دِتا سی۔ ہر کوئی میرے نال نفرت کردا اے۔ انیتا ساریاں نالوں بہتی میرے نال نفرت کردی اے۔ تے میَں اوہدے نال نفرت کرناں۔“ بندہ: ”اسی سارے آپنی زندگی وچ بُرا کم کر دیندے اَں۔ سگوں میَں وی۔ میرے اُتے بڑا قرضہ سی شراب تے جوئے دے سبب نال۔ میَں پھڑیا گیا جدوں میں اک بینک لُٹ دا پیا ساں۔ میَں بالکل برباد ہوگیا۔“ لوقس: ”تے بڑا اکلا وی؟“ بندہ: ”میَں اجے وی اکلا اَں۔ پر جدوں میَں جیل وچوں باہر نکلیا، میَں یسوع دے نال اک نوی حیاتی شروع کیتی۔“ لوقس: ”کیہ تہاڈے کوئی رشتے دار ہے نے؟“ بندہ: ”میری بیوی مر گئی اے۔ تے میرے دو پُتر سمجھدے نے پئی میَں وی مر گیا اَں۔ اک کاروبار کردا اے تے دوجا اک مشہور ڈاکٹر اے۔ اوہنے بہت لوکاں نوں فیر چلن پھرن جوگا کر دِتا اے۔ اوہ ایس ویلے شہر دے اک ہوٹل وچ ٹھہریا ہویا اے۔“ لوقس دے آپنے دماغ وچ سوچاں پُٹھیاں سیدھیاں ہوندیاں پیاں سن۔ کیہ تُسی سوچ سکدے ہو پئی اوہدے دماغ وچ کیہ منصوبہ بندا پیا سی؟ بوڈھے بندے نے پیار نال آپنا ہتھ مُنڈے دے موہڈھے اُتے دھریا۔ بندہ: ”لوقس، توں میرے اُتے بھروسہ کر کے آپنی پریشانی مینوں دسی۔ کیہ توں خداوند یسوع دے نال وی گل نہیں کرنا چاہویں گا آپنے حسد دے بارے وچ تے اوہنوں آکھیں گا پئی اوہ ہے ہر شے چنگی کر دیوے؟“ لوقس نوں تد شرم نئیں آوندی پئی سی جدوں اوہدے اتھرو وگدے پئے سن۔ اوہنے خداوند یسوع کولوں معافی منگی۔ اوہدا دل سارے گناہواں تھو ں پاک ہو گیا سی۔ ایہہ ایڈا ای اسان اے۔ صرف لوقس لئی ای نئیں سگوں تہاڈے لئی وی۔ تے انیتا؟ تُسی اگلی کہانی وچ اوہدے بارے سنو گے۔ لوک: بیان کرن والی، لوقس، بندہ حقوق: بحق سی ای ایف جرمنی محفوظ نے۔ |