STORIES for CHILDREN by Sister Farida(www.wol-children.net) |
|
|
Home عربي |
Home -- Punjabi -- Perform a PLAY -- 059 (Tears on Christmas 1) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- Platt (Low German) -- Portuguese -- PUNJABI -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
!ڈرامے- ایناں نُوں اپنے بیلیاں لئی ادا کرو 95. وڈا دِن تے اتھرُو ۱مسیحی بورڈنگ سکول وچ ہر کوئی چھٹی اُتے جاون لئی تیار ہوندا پیا سی۔ تورا نوں آپنیاں وڈے دن دیاں چھٹیاں دی اُڈیک سی۔ اوہدا پیو اوہنوں لے گیا۔ گھر جاون لئی گڈی دا راہ لمبا سی۔ تورا نے بڑیاں ساریاں شیواں بارے سوچیا۔ تورا: ”ابو، کیہ راشدہ مینوں فیر پچھانے گی؟ حسن دا کیہ حال اے؟“ تورا آپنے بہن بھرا، بلّی تے بکریاں دے بارے وچ خوش سی پئی اوہ اوہناں نوں ویکھے گی۔ جدوں اوہ آپنے پینڈ وچ اپڑے تے اوہناں باریاں وچ موم بتیاں دی لو ویکھی۔ باہر، آسے پاسے جگنو اُڈدے پئے سن۔ تے جیہڑیاں کُڑیاں کھوں وچوں پانی کڈدیاں پیاں سن اوہناں نے واج لائی: کُڑیاں: ”جی آیاں نُوں، تورا! سانوں خوشی اے پئی توں مُڑ آئی ایں۔ تیرا کیہ حال اے؟ کیہ توں سانوں آپنے سکول بارے دسیں گی؟“ تورا: ”ہاں دساں گی۔ پر کل، پہلاں ای بڑی دیر ہو گئی اے۔ مینوں ملن آیو۔“ اوہدی ماں نے اوہدی پسند دا کھانا پکایا۔ اوہدے کول دسن لئی بڑیاں گلاں سن۔ تورا نوں گیاں بڑا چِر ہو گیا سی فیر وی سب کجھ اوسے طرح دا اوسے طرح ای سی۔ پر اک شے ایسی سی جیہڑی وکھ لگدی پئی سی۔ اوہ اوس ویلے نوں یاد کردی پئی سی جدوں اوہ آپنی چٹائی اُتے لیٹ کے سو جاندی سی۔ ایہہ کرسمس دا ویلا سی۔ پینڈ وچ کوئی ایہو جیہا نئیں سی جیہڑا جشن منائے۔ بس تورا کلی سی جیہڑی یسوع نوں پیار کردی سی۔ اوہ خوشی مناونا چاہندی سی، پر اوہ ایہہ نئیں سی جاندی پئی کس طرح۔ تورا: ”میرے کول اک ترکیب اے۔ کل میَں سویرے چھیتی اُٹھاں گی تے آپنی بائبل پڑھاں گی۔“ تے فیر اوہنے ایسے طرح کیتا۔ اوہ گھروں باہر نکلی تے پہاڑ اُتے چڑھ گئی۔ اوہ اوتھے کلی بیٹھی سی تے اوہنے مریم، یوسف تے بچے یسوع دے بارے وچ پڑھیا۔ تورا: ”یسوع آیا، پر اوہدے آپنے لوکاں اوہنوں قبول نہ کیتا۔ تد خداوند یسوع نوں کڈھ کے بیت لحم دے بوہے بند کر دتے گئے تے اج دلاں دے بوہے بند نے۔“ جدوں تورا دس سال دی سی تے اوہنے یسوع نوں آپنی زندگی وچ آون دی دعوت دِتی تے اوہدے اُتے ایمان لیائی کہ پئی اوہ ای اوہدا مالک تے بچاون والا اے۔ حسن: ”تورا، میَں تینوں لبھدا پیا ساں۔ توں کیہ پڑھدی پئی ایں؟“ جے اوہ آپنے بھرا نوں بائبل دی کہانی سنائے گی تے کیہ اوہ ساریاں نوں دس تے نئیں دے گا؟ جے ایس طرح ہویا تے اوہدا اخیر بہت بُرا ہووے گا۔ پر فیر وی اوہنے ایہو کیتا تے بھرا نُوں دس دِتا۔ پوری دُنیا وچ وڈے دن دے ویلے اُتے گھنٹیاں وجائیاں جا رہیاں سن تے اوسے ویلے پہلی وار اک مُنڈے نے یسوع دے بارے اک کہانی سُنی۔ وڈا دن بڑا سوہنا شروع ہویا، پر دن دے اخیر ویلے اُتے اتھرو ڈہل گئے۔ کیوں؟ میَں تہانوں اگلی کہانی وچ دساں گی۔ لوک: بیان کرن والی، کُڑی، تورا، حسن حقوق: بحق سی ای ایف جرمنی محفوظ نے۔ |