Platt - Low German, Dramas: Piece 078 – Lou Ling traft eene Woll

Home -- Platt (Low German) -- Perform a PLAY -- 078 (Lou Ling makes a decision)

This page in: -- Albanian -- Arabic ? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi ? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam ? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German ? -- Tamil -- Turkish -- Ukrainian -- Urdu -- Uzbek

Previous Piece -- Next Piece

DRAMASTEKJA – doo aundre Kjinja daut väaspälen!

Dramastekja fa Kjinja toom väadroagen

78. Lou Ling traft eene Woll

Lou Ling haud een grootet Probleem. See docht äwa daut jemoakte Bild no, daut doa äwa de Däa wia. See wond in China un äare Elren säden, daut ditt Bilt ut Holt äa Gott wia.

Waut jleewst, daut kaun doch goanich senen. Dee läwendja Gott wont im Himmel, un dit Bilt ut Holt es doch nuscht aundret aus een doodjet Jettabilt. Hee haft Henj, un kaun nich halpen. Hee haft een Mul un kaun nich räden. Hee haft Uaren un kaun nich hieren.

Dis Gott ut Holt wort aunjebät un dee waut am veieren weeten nich, daut dee läwendja Gott daut veboden haft. Ekj sie de Har dien Gott, du saust kjeene aundre Jetta bitsied haben.

Lou Ling docht no.

Lou Ling: "Es daut werklich dee woara Gott doa opp de Schattelbenkj?"

In dee christliche School, waut see besiekjen deed, haud see von däm eensich woaren Gott jehieet. See haud jelieet, daut hee sienen Sän opp dise Ied jeschekjt haft, om fa de Sinden von de Menschen to stoawen. Ar jinj daut sea to Hoaten, aus see hieed, daut hee no dree Doag vom Doot oppjestonen wia un nu im Himmel läft.

Wäa haft Rajcht? Wäa es werklich Gott? Jesus, ooda de Aufgott in äarem Hus?

Lou Ling: "Ekj weet waut ekj doonen woa: Ekj woa onsem Husgott im Goaden begrowen. Un wan hee wada läwendich woaat, dan weet ekj, daut hee dee rechtkja Gott es."

Lou Ling naum eene Scheffel, jinj im Goaden un deed daut Jettabilt begrowen. See wia tofräd met äare Idee un jinj trij im Hus nen. Dee ieschta Dach vejinj. Aum tweeden Dach rand see no däm kjlienen Grauf un deed een bät Ieed wajch krautzen, un hee wia noch doa. Däm dredden Dach kun see meist nich aufluaren. Oba uk nu bleef de Aufgott one sich to bewäajen im Grauf lijen.

Lou Ling: "Nu jleew ekj aun däm Harn Jesus, dee fa mie jestorwen un oppjestonen es."

Lou Ling haft dee rajchte Woll jetrofen un dan ieremol erfoaren, daut dee läwendja Gott bie ar es un ar niemols veloten deit.

Gott sien Wuat sajcht:

"Ekj sie de Har, dien Gott, du saust kjeene aundre Jetta dicht bie mie haben. Nuscht saul die wichtkja senen aus ekj." (2.Mose 20,3)

Persoonen: Eena waut vetalen deit, Lou Ling

STORIES for CHILDREN by Sister Farida

78. Lou Ling traft eene Woll