STORIES for CHILDREN by Sister Farida(www.wol-children.net) |
|
|
Home عربي |
Home -- Malagasy -- Perform a PLAY -- 136 (First aid 4) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- MALAGASY -- Malayalam? -- Platt (Low German) -- Portuguese -- Punjabi -- Quechua -- Romanian -- Russian -- Serbian -- Sindhi -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
LALAO – tanteraho miaraka amin’ny ankizy hafa!
Tantara kely holalaovina an-tsehatra
136. Famonjena voalohany 4(tabataban'ny fifamoivoizana) Ankizivavy: "Ny Sekolin'ny Fiainana Fizarana Faha-3. Vonjy taitra." Efa nahita hopitaly ve ianao ka sady tsy misy dokotera no tsy misy mpitsabo mpanampy? Tamin'ny andron'i Jesoa dia tena nisy izany. Tsy toy ny hopitaly ilay izy, fa toy ny dobo filomanosana misy dobo roa misaraka. Nanodidina ny tranobe iray manontolo ny lavarangana miondrika efatra, ary lalantsara iray no nanasaraka ireo dobo filomanosana roa. Betsaka ny olona marary teo. Tsy nisy dokotera nikarakara azy ireo anefa, na koa hoe nisy fitaovana kitapo vonjy taitra na olona izay nahafantatra ny hetsika atao amin'ny vonjy maika. Ary tsy nisy fiara mpamonjy voina raha sendra vonjy maika. Tsy nitsahatra nijery ny rano tao anaty dobo ireo marary. Voalaza fa hisy anjely hidina tsindraindray ao amin'ny dobo ka hanetsika ny rano; ary na iza na iza niditra voalohany tao amin'ny rano rehefa nihetsika izany, dia sitrana izy, na inona na inona aretiny. Te ho sitrana avokoa ireo olona ireo! Indrindra fa ilay lehilahy kilemaina. Nanantena izy fa ny rano dia hanome azy vonjy taitra. Lehilahy: "Tsy mahazo variana tsy hahita ny fihetsehan'ny rano aho. Io fa mihetsika! Tsy maintsy izaho no voalohany miditra ao anaty rano. (feon'ny fisentoana) Tara loatra… Tsy hahatratra an'izany mihitsy aho!" Diso fanantenana izy ka nandry teo am-pandriany indray. Efa ho 38 taona izao izy no niandry ny "vonjy taitra." Indray andro, nisy olona nitsidika azy. Jesoa: "Te ho sitrana ve ianao?" Lehilahy: "Eny, saingy tsy manana olona hanampy ahy hiditra ao anaty rano aho. Efa misy olona hafa foana tafiditra ao anaty rano alohan'ny hahatongavako ao." Jesoa: "Mitsangàna, ento ny fandrianao, ka mandehana." Dia nitsangana ilay lehilahy ka sitrana. Nahazo vonjy taitra tsy nisy tsindrona na bandy izy. Salama tsara rehefa afaka 38 taona! Manontany tena aho raha mifaly ve ny hafa mahita azy... Fariseo: "Inona no ataonao? Andro sabata anio. Ary amin'izao andro fitsaharana izao dia voarara ny hibatanao ny fandrianao." Lehilahy: "Nilaza tamiko ilay lehilahy nahasitrana ahy mba hitsangana aho dia handeha." Fariseo: "Iza moa izany?" Lehilahy: "Tsy fantatro fa tsy mbola nahita azy aho." Fantatrao ve hoe iza ilay izy? Marina tokoa fa i Jesoa Tompo io. Manome ny vonjy taitra tsara indrindra Izy. Tsy ho an'ny vatana ihany fa ho an'ny fanahy ihany koa. Tia manampy sy mamonjy Izy. Rehefa hitany ilay lehilahy nositraniny tatỳ aoriana, dia nomeny torohevitra tsara. Jesoa: "Salama tsara ianao izao, aza manota intsony, fandrao hisy ratsy hanjo anao." Azoko sary an-tsaina ny tian'i Jesoa holazaina. Ianao koa ve? Mpandray anjara: Mpitantara, ankizivavy, lehilahy, Jesoa, fariseo © Zon'ny mpamorona: CEF Alemaina |