STORIES for CHILDREN by Sister Farida(www.wol-children.net) |
|
|
Home عربي |
Home -- Malagasy -- Perform a PLAY -- 135 (The schedule 3) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- MALAGASY -- Malayalam? -- Platt (Low German) -- Portuguese -- Punjabi -- Quechua -- Romanian -- Russian -- Serbian -- Sindhi -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
LALAO – tanteraho miaraka amin’ny ankizy hafa!
Tantara kely holalaovina an-tsehatra
135. Ny lamandy 3(tabataban'ny fifamoivoizana) Ankizilahy: "Ny Sekolin'ny Fiainana Fizarana 2: Ny tapakila." (fanenon'ny trompetra fandresena) Nankalazaina ny fandresena. Tsy nisy fitaovam-piadiana, narodan'Andriamanitra ny mandan'ny tanàna tamin'ny feon'ny trompetra. Nanana an'Andriamanitra izay niadany taminy ny israelita dia saika resiny avokoa ny tany rehetra. Nifety tamim-pifaliana ireo mpandresy. Tetsy an-danin'izay anefa dia nisy lehilahy iray niditra an-tsokosoko tao anaty tranolainy. Sahala amin'ny mpandika lalàna eny an-dalana, dia ninia tsy niraharaha famantarana mazava momba ny fandrarana avy amin'Andriamanitra izy: Andriamanitra: "Aza matahotra, fa eo an-tananareo ny tanàna, fa araho ny didiko: Aza misy maka ho azy ny zavatra azo babo vokatry ny ady ianareo." Andriamanitra dia mihevitra tsara izay tiany holazaina rehefa handidy zavatra izy. Tsy noraisin'i Akana ho zava-dehibe anefa ny didin'Andriamanitra. Akana: "Inona no hitako ao ambanin'ny korontanin'i Jeriko? Kapôty tsara tarehy avy any Babylona! Volamena sy volafotsy! Tsy azoko avela ao daholo izany. Tsy hisy hahita ahy raha maka ireo aho." Tsy nisy fisavana tamin'ny alalan'ny radar, na na inona na inona hakana sary ny zavatra nataony, fa ny "camera video" an'Andriamanitra dia efa nahita izany rehetra izany. Ny mason'Andriamanitra dia nanaraka an'i Akana hatrany amin'ny lainy izay nandevenany ilay harena. Mbola mila maka ilay tanana manaraka. Nitatitra vaovao tsara ny mpitsikilo. Mpitsikilo: "Josoa, tanàna kely i Ay. Miaramila 3000 dia afaka mandresy azy mora foana." Fa rehefa tonga ny fotoana, dia nandositra ny mponin'i Ay izy ireo, ka 36 lahy no maty teo am-pandosirana ny tanàna. Nitaraina tamin'Andriamanitra i Josoa. Josoa: "Tompo ô, nahoana no tonga izany? Nahoana no tsy nanampy anay ianao?" Namaly ny fanontaniany Andriamanitra. Andriamanitra: "Meloka Isiraely, fa nisy nangalatra ny fananana tamin'ny babo an'ady. Avereno tsara amin'ny laoniny ny zavatra rehetra, rehefa afaka izany, dia hamonjy anao Aho." Dia naharihary ny marina rehetra. Niaiky i Akana fa nangalatra izy. Lehilahy iray no nanota, ary izany dia nahatonga fijaliana ho an'ny maro hafa. Toy ny hoe tsy nijanona teo amin'ny jiro mena izy, ary izany dia nahatonga famoizana ain'olona maro hafa. Tsy maintsy mandoa vola ny mpandika lalàna. Tsy ny vola anefa no vahaolana handaminana ny toe-javatra ratsy eo anatrehan'Andriamanitra. Marina tanteraka Andriamanitra, noho izany, ny fahotana sy ny tsy fankatoavana dia mitarika ho amin'ny fahafatesana amin'ny farany. Maty tamin'ny alalan'ny fitoraham-bato teo amin'ny lohasaha loza i Akana. Henoy tsara anefa! Ilay Andriamanitra marina dia Andriamanitra fitiavana ihany koa. Ny sazy izay nanamelohana ahy sy ianao dia efa naloan'i Jesoa teo amin'ny toerantsika, rehefa maty teo amin'ny hazo fijaliana Izy. Raha mino an'i Jesoa izay maty ho anao sy nitsangana tamin'ny maty ho anao ianao, dia hamafa ny fahotanao rehetra Andriamanitra. Mpandray anjara: Mpitantara, ankizilahy, Feon'Andriamanitra, Akana, mpitsikilo, Josoa © Zon'ny mpamorona: CEF Alemaina |