STORIES for CHILDREN by Sister Farida(www.wol-children.net) |
|
|
Home عربي |
Home -- Platt (Low German) -- Perform a PLAY -- 135 (The schedule 3) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish? -- Swiss German? -- Tamil -- Turkish -- Ukrainian -- Urdu -- Uzbek
DRAMASTEKJA – doo aundre Kjinja daut väaspälen!
Dramastekja fa Kjinja toom väadroagen
135. De Stroftzaddel 3(Aulahaunt foaren opp de Guas) Junj: "Foaschool fa daut Läwen 2. Deel. De Strofzadel." (Bloshurn) De Siech wort jefieet. Kjeene Jewäare, oba Gott leet biem blosen vom Hurn de Mieren von de Staut omfaulen. Met Gott opp äare Sied, wudden de Israelieten boolt daut gaunze Launt enjenomen haben. De Siech wort jefieet. Oba eena, schlijd sich heemlich en sien Zelt. Soo aus wan eena sich biem Vekjia vegonen haud, soo haud hee mootwelens een Schilt, waut gaunz kloa von Gott wia, äwagonen. Gott säd: "Fercht junt nich. De Staut es en june Haunt. Oba doot mien Vebot respakjten. Kjeena doaf sich waut von de Fiend äare Sachen metnämen." Gott meent gaunz werklich waut hee sajcht, wan hee een Jeboot jeft. Oba Achan naum daut nich soo jenau. Achan: "Waut seenen miene Uagen unja däm Jerumpel von Jericho? Eenen wundaschmoken babylonischen Mauntel! Golt in Selwa! Daut kaun maun doch nich eefach lijen loten. Mie sitt doch kjeena." Waut kjeene Radarkontrol fausthoolen kaun, daut haft Gott siene Videokamera oppjetiekjent. Gott siene Uagen vefoljden Achan bat en sien Zelt nen, woo hee daut Jestolne vegroft haud. Un dan sull nu dee näachste Staut bekjamft woaren. Spione brochten goode Norecht. Spion: "Josua, Ai es eene kjliene Staut. 3000 Soldoten moaken daut met linjsch." Oba see worden jeschloagen un kaumen trij. Un 36 Mana storwen opp de Flucht. Dan schrieech Josua to Gott. Josua: "Ach, Har, wuarom es daut passieet? Wuarom hast du nich jeholpen?" Gott deed siene Froagen beauntwuaden. Gott: "Jie sent Schult. Jie haben jestolen. Brinjt daut in Ordnunj, dan sto ekj junt wada bie." Un dan kaum aules rut. Achan haft aules tojestonen. Eena vesindicht sich, un aundre mussten doarunja lieden. Daut wia soo, aus wan eena bie Root äwa de Kjriezung foat un aundre doaderch daut Läwen velieren. Wäa sich biem foaren vesindicht, mot tolen. Oba met Jelt es bie Gott nuscht to moaken. De jerajchta Gott fodat de Doodesstroft, wan maun siene Jebote nich befoljen deit. Achan wort jesteenicht im Onjlekjstol un storf. Un nu horch goot to! Dee jerajchta Gott es een Gott von leew. De Stroft, dee du un ekj vedeent haben, haft Jesus aum Kjriez betolt. Wan du aun Jesus jleefst, dee fa die jestorwen un oppjestonen es, dan deit Gott dienen Strofzaddel verieten. Persoonen: Eena waut vetalen deit, Junj, Gott siene Stem, Achan, Spion, Josua Copyright: CEF Germany |