Home
Links
Contact
About us
Impressum
Site Map


YouTube Links
App Download


WATERS OF LIFE
WoL AUDIO


عربي
Aymara
Azərbaycanca
Bahasa Indones.
বাংলা
Български
Cebuano
Deutsch
Ελληνικά
English
Español-AM
Español-ES
فارسی
Français
Fulfulde
Gjuha shqipe
Guarani
հայերեն
한국어
עברית
हिन्दी
Italiano
Қазақша
Кыргызча
Македонски
മലയാളം
日本語
O‘zbek
Plattdüütsch
Português
پن٘جابی
Quechua
Română
Русский
Schwyzerdütsch
Srpski/Српски
Slovenščina
Svenska
தமிழ்
Türkçe
Українська
اردو
中文

Home -- Azeri -- Perform a PLAY -- 032 (Does God answer every prayer)

Previous Piece -- Next Piece

TAMAŞALAR -- bunları başqa uşaqlar üçün qoyun!
Uşaqlarla birlikdə qoya biləcəyiniz tamaşalar

32. Allah hər duaya cavab verirmi


Uşaqlar, sizin sevimli rənginiz varmı? Aminin sevimli rəngi mavi idi. Mavi səma, mavi dəniz və hər şeydən çox anasının mavi gözləri onun xoşuna gəlirdi. Heyif ki, gözlərim tünd qonurdur, deyə Ami düşünürdü.

Ami: “Ana, doğrudanmı ki, Allah bütün dualarımı eşidir?”

Ana: “Bəli, gözəl balam, Allah bütün dualarımızı eşidir.”

Ami: “Uşaqların dualarını da eşidir?”

Ana: “Əlbəttə, Ami. Gəl, indi yatmaq vaxtıdır. Gecən xeyrə qalsın!”

Ami: “Xeyrə qarşı, ana!”

İşıqlar söndü. Yatağında uzanmış Ami dua etdi:

Ami: “Əziz Allahım, Sən hər şeyə qadirsən. Yalvarıram, qonur gözlərimi mavi elə. Amin.”

Allah Aminin duasını eşitdi. Aminin bundan heç şübhəsi yox idi. Qız rahat yuxuya getdi.

Səhər Ami oyanar-oyanmaz gecəki duası yadına düşdü. Cəld yatağından qalxdı, güzgüyə qaçdı. Güzgüdən ona iki yekə qonur göz baxırdı.

Aminin kefi pozuldu, o düşündü ki, deyəsən, Allah onun duasını eşitməyib.

Lakin o anda ürəyində sanki bir səs danışdı: “Yox’ da bir cavabdır.”

Üstündən illər keçdi. Ami böyüyəndə müjdəçi oldu və Hindistana getdi. Hindistanda yerli dili öyrəndi, yerli xalqın yediyi yeməkləri yedi, onlar kimi geyindi və hətta yad görünməmək üçün dərisini qaraltdı.

Bir gün Aminin bir rəfiqəsi ona belə dedi:

Rəfiqə: “Ami, nə yaxşı ki, gözlərinin rəngi mavi deyil, tünd qonurdur, yoxsa sən burada yad insan kimi görünərdin.”

Qonur gözlər?... Aminin uşaqlıqda etdiyi dua yadına düşdü. “Yox” da bir cavabdır. Allahdan yaxşı bir cavabdır!

Bəzən Allah bizə istədiyimizi dərhal verir.

Bəzən bizi gözlədir.

Bəzən isə “Yox” cavabı verir.

Allah bizə nə cavab verir-versin – bəli, yox, yaxud gözlə! – hər cavabında məhəbbət var. Allahın cavabı həmişə bizim üçün ən yaxşıdır.

O sənə də ən yaxşı və ən faydalı cavabı verir.


Rollar: Aparıcı, Ami (uşaqlıqda), Aminin anası, rəfiqə

© Müəlliflik hüququ: CEF Germany

www.WoL-Children.net

Page last modified on August 28, 2017, at 06:38 AM | powered by PmWiki (pmwiki-2.3.3)