Home
Links
Contact
About us
Impressum
Site Map


YouTube Links
App Download


WATERS OF LIFE
WoL AUDIO


عربي
Aymara
Azərbaycanca
Bahasa Indones.
বাংলা
Български
Cebuano
Deutsch
Ελληνικά
English
Español-AM
Español-ES
فارسی
Français
Fulfulde
Gjuha shqipe
Guarani
հայերեն
한국어
עברית
हिन्दी
Italiano
Қазақша
Кыргызча
Македонски
മലയാളം
日本語
O‘zbek
Plattdüütsch
Português
پن٘جابی
Quechua
Română
Русский
Schwyzerdütsch
Srpski/Српски
Slovenščina
Svenska
தமிழ்
Türkçe
Українська
اردو
中文

Home -- Macedonian -- Perform a PLAY -- 032 (Does God answer every prayer)

Previous Piece -- Next Piece

КУСИ ИЗВЕДБИ – одглуми ги пред други деца!
Куси изведби за да ги изведуваат деца

32. Дали Бог одговара на секоја молитва


Имаш ли омилена боја? Омилена боја на Еми беше сината. Таа ги сакаше синото небо, синото море и нејзино омилено сино нешто беа сините очи на нејзината мајка. Штета што моите очи се кафеави, размислуваше Еми.

Еми: „Мамо, дали Бог ги слуша сите мои молитви?“

Мама: „Да, мило, Бог ги слуша сите молитви“.

Еми: „Дури и молитвите на децата?“

Мама: „Се разбира, Еми. Но сега е време да легнеш во кревет. Добра ноќ! Спиј слатко!“

Еми: „Добра ноќ, мамо!“

Откога светилката беше исклучена, Еми се молеше во нејзиниот кревет:

Еми: „Мил Боже, Ти можеш да направиш сѐ. Те молам преобрази ги моите кафеави очи во сини. Амин“.

Бог ја слушна молитвата на Еми, таа беше сигурна во тоа. Потоа заспа.

Следното утро Еми се разбуди и се сети на нејзината молитва. Скокна од креветот, отрча до огледалото, од кое кон неа гледаа две големи кафеави очи.

Тажна, Еми помисли дека Бог, можеби, не ја слушнал нејзината молитва.

Тогаш ѝ се причини како некој да ѝ кажа: „’Не‘, исто така, е одговор“.

Поминаа многу години. Кога Еми беше возрасна, таа отиде во Индија како мисионерка. Таму го научи јазикот, го јадеше тоа што тие го јадеа, се облекуваше како што се облекуваа тие, и, за да не личи многу на туѓинка, ја обои својата кожа кафеава.

Еден ден еден пријател ѝ рече на Еми:

Пријател: „Еми, многу е добро што твоите очи се кафеави, а не сини, инаку сите ќе забележеа дека си туѓинка“.

Кафеави очи? Еми се сети на нејзината молитва како дете. „Не“, исто така, е одговор. Добар одговор од Бог.

Понекогаш Бог веднаш ни го дава тоа што го сакаме.

Понекогаш нè остава да чекаме.

Понекогаш вели не.

Каков и да е одговорот – дали ќе е да, не, или чекај – Тој ни ја покажува Неговата љубов. Неговиот одговор секогаш е најдоброто за нас.

Тој секогаш го прави вистинското нешто, дури и за тебе.


Улоги: Раскажувач, Еми (како дете), мајката на Еми, пријател.

© Copyright: CEF Germany

www.WoL-Children.net

Page last modified on August 08, 2023, at 08:40 AM | powered by PmWiki (pmwiki-2.3.3)