341. چين جون عادتون 4

جڏهن هو پنجن سالن جو هو، تہ هدسن ٽيلر کي خبر هئي تہ جڏهن هو وڏو ٿيندو تہ کيس ڇا ڪرڻو آهي۔

هدسن ٽيلر: ”جڏهن مان وڏو ٿي ويندس تہ مان هڪ مشنري بڻجي چين ويندس۔“

جڏهن هو 12 سالن جو ٿيو، تڏهن هن چين جو سفر ڪيو، اتي جي ٻولي سکڻ لڳو، ۽ ڪيترن ئي ماڻهن کي يسوع جي باري ۾ ٻڌايو۔ پر جيڪو ڪم بهترين هوندو آهي، اهو ڪم اڪثر تمام ڏکيو هوندو آهي۔

مرد: ”تون هتي ڇا ڪري رهيو آهين؟ هتان نڪري وڃ!“

فوجي: ”اسان غير ملڪي شيطان ۽ ان جي ساٿين کي قتل ڪري ڇڏينداسين۔“

مرد: ”نہ، اسان انهن کي وڏي حاڪم وٽ وٺي وينداسين۔“

ظالم فوجين مشنرين کي تمام گھڻو ماريو ۽ هدسن کي ايترو ماريو جو هو تقريباً مري ويو۔

هر شيءِ کان تمام گھڻو ڏک ملي رهيو هو، پر سندس برداشت اڃا بہ قائم هئي۔

هدسن ٽيلر: ”برداشت، منهنجا دوستو، ان سان اسان کي پنهنجي ڊائري ۾ ڪجھہ لکڻ لاءِ ملي رهيو آهي۔“

هن اڃا بہ يسوع سان محبت ڪندا رهيا، ڇو تہ يسوع بہ هر انسان جي گناهن لاءِ صليب تي پنهنجي جان ڏني تہ تمام گھڻو ڏک برداشت ڪيو۔ هدسن ان جي باري ۾ سوچيو ۽ يسوع سان وڌيڪ محبت ڪرڻ لڳو۔ انهن ڳالهين سان کيس وڌيڪ همت ملي رهي هئي جڏهن انهن کي عدالت ۾ وٺي وڃي رهيا هئا۔

وڏي آفيسر انهن جي سڀني ڳالهين کي ٻڌو۔

هدسن ٽيلر: ”اسان ٽنگس چائو ۾ ماڻهن کي يسوع جي باري ۾ ٻڌائڻ چاهيون ٿا، نجات ڏيندڙ جي باري ۾۔ هو هر هڪ سان محبت ڪري ٿو۔ هي بائبل ۾ لکيل آهي۔ اسان توهان کي هي ڪتاب تحفي ۾ ڏينداسين۔“

وڏي آفيسر کي هن جي ڳالهہ پسند آئي۔ هنن کي مارڻ بدران هن کين چانهہ ڏني۔ هنن کي جيل موڪلڻ بدران هن کين يسوع جي باري ۾ تعليم ڏيڻ جي اجازت ڏئي ڇڏي۔

يسوع سڀ ڪجھہ ڪرڻ جي طاقت رکي ٿو۔ هدسن هن جو ان ڳالهہ لاءِ شڪر ادا ڪيو۔ پر ان کان پوءِ هو ٿڪجي پنهنجي گھر واپس هليو ويو۔ هن جو چيني دوست هن کي ڏسي رهيو هو تہ هو ڪيئن چانور ۽ بدڪ جا انڊا کائڻ لاءِ ڪئين چيني ماڻهن وانڳر چوپ اسٽِڪ استعمال ڪري رهيو هو۔

چيني: ”ٽيلر صاحب، توهان بلڪل ائين کائيندا آهيو جيئن اسان کائيندا آهيون، ۽ توهان بلڪل ائين ڳالهائيندا آهيو جيئن اسان ڳالهائيندا آهيون، پر توهان اسان جھڙا ڪپڙا ڇو نٿا پايو؟“

هدسن ٽيلر: ”ڇو نہ؟ هي هڪ سٺو سوال آهي! ڇا مون کي پائڻ گھرجن؟“

چيني: ”ماڻهو وڌيڪ ڌيان سان توهان جي ڳالهہ ٻڌندا جيڪڏهن توهان ائين ڪندا۔“

هدسن ٽيلر: ”هممم! جڏهن يسوع زمين تي آيو، تہ هو اسان وانگر انسان بڻجي آيو، بلڪل اسان جھڙو۔ هو مڪمل اسان جھڙو بڻجي ويو۔ ۽ مان چيني ٿيڻ چاهيان ٿو۔ ڇا تون منهنجي مدد ڪندين ائين ڪرڻ ۾؟“

يسوع سان محبت جي ڪري، هدسن پنهنجو انگلينڊ وارو لباس بدلائي چيني لباس پائي ورتو۔

ڪاري ۽ ڊگھي لباس ۾ هو سٺو لڳي رهيو هو۔

چيني: ”هاڻي توهان بلڪل چيني لڳي رهيا آهيو!“

تسنگ منگ ٻيٽ تي، هدسن ٽيلر بائبل جي تعليم ڏيندو هو ۽ بيمارن جو خيال رکندو هو۔

پر اوچتو اتي ڪجھہ مسئلا پيدا ٿي ويا۔

پهرين عورت: ”ڇا تو اهو ٻڌو؟ ان ڀلي ماڻهون ٽيلر کي ٻيٽ ڇڏڻو پوندو۔“

ٻي عورت: ”اسانجي ڊاڪٽر کي حسد ٿي رهي آهي ڇو تہ هو وڌيڪ مريض ڏسي ٿو ۽ انهن کان وڌيڪ بهتر دوائون ڏئي ٿو۔“

پهرين عورت: ”پنهنجي ڊاڪٽرن وڏي آفيسر جي سامهون هن جي باري ۾ غلط ڳالهيون ڪيون آهن۔“

۽ پوءِ؟ مان توهان کي ايندڙ ڊرامي ۾ ٻڌائيندس تہ ڇا ٿيو۔

ماڻهون: بيان ڪرڻ واري، هدسن ٽيلر (ٻار)، هدسن ٽيلر(جوان)، مرد، فوجي، چيني، پهرين عورت، ٻي عورت

ynamreG FEC :thgirypoC ©