Home -- Aymara -- Perform a PLAY -- 143 (Like the Chinese 4)
143. Mä chinor uñtata 4
Cunapachatejj Hudson Taylorajj pheska maranïnjja, mä suma profesionataquiw amtasitayna.
Hudson Taylor: “Cunapachatejj jach’ajjäjjä misioneröyäwa ucatjja Chinaruw sarä.”
Cunapachatejj 21 maranïjjänjja Chinaruw viajatayna, yatekataynawa arupa ucatsti waljaninacaruw Jesusan munasiñap jupanacataquejja cuentäna. Ucampisa mä suma profesionajja mä cutinacajja wali ch’amaraquiwa.
Hombre: “¡Choy!, ¿cuns lurapjjt acana? ¡Chhaktapjjam!”
Soldado: “Uca jayat jutirinac diablonacaru jiwjayañani.”
Hombre: “Janiqui, Mandarin emperadorar antisas apañäni.”
Mä phiru soldadonacajj Hudsonar wal nuwjapjjatayna niyaw jiwayapjjatayna. Hudsonarojj takpach cuerpow usutayma, ucampisa mä juc’ sawcasiñajj utjascänwa.
Hudson Taylor: “Mä juc’ aguantam amigo, diarionacatac sirvistanïwa.”
Jesusar munatapatjja panpachäni mutupjjatayna. Cunalaycutejj Jesusajj juc’ämpwa munasiñapat cruzan t’akhesitayna, take jakenacan juchanacapataquejj jiwcatayna ucapachajja. Hudsonajj uc amtasajj juc’ampwa Jesusarojj munatayna. Ucaw ch’am churäna cunapachatejj soldadonacajj jisquiñatac apapcäna ucjajja.
Mandarín emperadorajj khanañcht’awi ist’taynawa.
Hudson Taylor: “Tungshau jakenacarujja Khespiyïr Jesusan munasiñapat parlañ munapjjta. Jupajj takeniruw munasi. Bibliaw uqham sï. Aca libr regalapjjsmaw.”
Ucajj Mandarin juparojj gustänwa. Nuwcpachjja, té invitt’atayna. Carcel lantisti, predicpan sataynawa. Jesusajj take cun asquir tucuyatayna. Take chuymaw Hudsonajj yuspagaratayna.
Ucatjja utapar wali karjatapiniw puritayna. Chino yanapiripajja uñch’uquiscänwa cunjamsa lawitanacampejj arrozamp pato c’awnamp mankäna ucjja.
Chino: “Tata Taylor, jumajja nanacjamaw manktajja, nanacjamaw parltajja, ¿cunatsa nanacjam jan isthapista?”
Hudson Taylor: “¿Cunats janijja? ¿Jumatac walïspati?”
Chino: “Jakenacajja juc’ampwa ist’apjjeristam, jichha.”
Hudson Taylor: “¡Uqhamaw! Cunapachatejj Jesusajj aca mundor jutcataynajja, jiwasanacjam jakew tucüna. Take cunan jiwasanacjamäna. Nayasti chinonacjamäñ munta. ¿Uqhamäñatac yanapitasmati?”
Jesusar munatapatjja Hudsonajj inglés isipa china isimpiw trucsusitayna. Jach’a c’anapajj sumapiniw uñjasïna.
Chino: “¡Jichhapï chekpach chinor uñtatätaja!”
Tsung Ming islanjja Hudson Taylorajj yaticharaquïnwa Biblian cheka arunacapa uqhamarac kollän usutanacaru.
Acatjamat jan walt’añanacajj uñsti.
Mujer 1: “¿Ist’tatï? Suma Taylorajj islat mistjjañapaw.”
Mujer 2: “Doctoranacasajj envidiasipjjewa, jupajj ju’amp usutanac kolli uqhamarac juc’amp suma kollanacaniraquiwa.”
Mujer 1: “Jupat jan walinac parlapjje.”
¿Ucatsti? Jutirin cuentt’äma.
Uñstirinaca: Parliri, Hudson Taylor como niño, Hudson Taylor como adulto, hombre, soldado, chino, mujer 1, mujer 2
© Copyright: CEF Germany