Home -- Punjabi -- Perform a PLAY -- 161 (Can the dead live 2)
!ڈرامے- ایناں نُوں اپنے بیلیاں لئی ادا کرو
بچیاں دے ادا کرن لئی ڈرامے
161. کی مرُدے زندہ ہون گے ۲
جے یسوع تہاڈی دعا دا ایسا جواب ناں دیوے جس طرح تُسی اوہنوں کرن نوں آکھدے ہو تے تُسی کیہ کرو گے؟ کیہ تہانوں اوہدے اُتے غُصّہ آوے گا یا فیر تُسی اوہدے کولوں دعا منگنا ای چھڈ دیو گے؟ مرتھا دا بھرا مر گیا فیر وی اوہنے ایسا کجھ ناں کیتا۔ جدوں آخر کار یسوع آگیا، تے کجھ ویلا ہویا سی پئی لعزر نوں پہلاں ای دفن کیتا جا چکیا سی۔
مرتھا: ”یسوع جے تُسی پہلاں آ گئے ہوندے تے میرا بھرا ناں مریا ہوندا۔“
یسوع: ”لعزر مُڑ جیو کھلووے گا۔“
مرتھا: ”میَں جاندی اَں پئی اوہ مُڑ جیو کھلووے گا قیامت ویلے آخری دن جدوں خدا ہر کسے نوں جواوے گا۔“
یسوع: ”موت تے حیاتی تے میَں اَں۔ جو کوئی میرے اُتے ایمان لیاوندا اے بھاویں اوہ مر وی جاوے تاں وی جیوندا رہوے گا۔ کیہ توں ایس گل اُتے یقین رکھدی ایں؟“
مرتھا: ”میں ایمان رکھنی آں کہ تُوں خُدا دا پُتر ایں۔“
یسوع اُتے بھروسہ رکھنا ساریاں نالوں چنگا کم اے۔ بھاویں تہانوں اکثر ایہدی سمجھ ناں وی آوے تاں وی، یسوع اُتے بھروسہ رکھنا ساریاں نالوں چنگا کم اے۔
مرتھا دوڑ کے گھر گئی۔
مرتھا: ”مریم، یسوع تہاڈی اُڈیک کردا پیا اے۔“
(پیراں دے دوڑن دی واج) اوہ ایہہ نئیں سمجھی سی پئی اوہدے بھرا دا مرنا کیوں ضروری سی۔
اوہ آپنی اکھاں وچ اتھرو لئے دوڑ کے یسوع دے کول گئی۔
مریم: ”یسوع، جے تُسی ایتھے ہوندے تے، لعزر ناں مریا ہوندا۔“
یسوع: ”تساں اوہنوں کِتھے دفن کیتا اے؟“
مریم: ”میرے نال آؤ میَں تہانوں وکھاندی اَں۔“
بہت سارے لوک ماتم تے آئے سن اوہ اوہدے نال قبر اُتے گئے جنہوں اک وڈے پتھر نال بند کردِتا گیا سی۔
تے اوتھے یسوع وی رو پیا۔
بندہ: ”اوہ روندا پیا اے۔ اوہ اوہنوں بڑا پیار کردا سی۔“
بندہ: ”تے فیر اینے اوہنوں مرن کیوں دِتا؟“
یسوع: ”پتھر نوں ہٹا دو۔“
مرتھا ڈری ہوئی سی۔
مرتھا: ”خداوند، اوہ چار دن پہلاں مر چکیا اے۔ ایہدے وچ بو ہووے گی۔“
یسوع: ”مرتھا، جے توں میرے اُتے یقین رکھدی ایں، تے توں خداوند دا جلال ویکھیں گی۔“
یسوع اُتے بھروسہ رکھنا ساریاں نالوں چنگا کم اے، بھاویں کِڈا وی بُرا کیوں ناں ہوندا ہووے۔
سگوں جے تہانوں اوہدی سمجھ ناں وی آوندی ہوے، تد وی یسوع اُتے یقین رکھنا ساریاں نالوں چنگا کم اے۔
بندیاں نے پتھر نوں ہٹا دِتا۔ تد یسوع نے تاں ویکھیا۔
یسوع: ”خداوند، توں سدا میری دعا نوں سُندا ایں۔ لعزر! باہر نکل آ!“
کرامات ہو گئی۔ مریا ہویا بندہ قبر وچوں باہر نکل آیا!
بہت سارے لوک جنہاں نے ایہہ ویکھیا یسوع اُتے ایمان لے آئے۔ یسوع اُتے بھروسہ رکھنا ساریاں نالوں چنگا کم اے، کجھ وی ہوندا ہووے بے فکر ہو جاؤ۔ کیہ تُسی یسوع اُتے یقین رکھدے او؟
لوک: بیان کرن والی، مرتھا، یسوع، مریم، دو بندے
حقوق: بحق سی ای ایف جرمنی محفوظ نے۔