Home -- Sindhi -- Perform a PLAY -- 161 (Can the dead live 2)
!ڍراما- هنن کي ٻين ٻارن جي سامهون پڻ پيش ڪريو
ٻارن جي سامهون پيش ڪرڻ وارا ڍراما
161. ڇا مردا زندہ ٿيندا 2
جيڪڏهن يسوع توهان جي دعا جو اهو جواب نہ ڏئي جھڙو توهان چاهيو ٿا تہ پوءِ توهان ڇا ڪندا؟ ڇا توهان کي هن تي ڪاوڙ ايندي يا پوءِ توهان دعا ڪرڻ ئي ڇڏي ڏيندا؟
مارٿا جو ڀاءُ مري ويو، پر هن اهڙو ڪجھہ بہ نہ ڪيو۔ جڏهن آخرڪار يسوع پهتو، تہ ڪجھہ وقت گذري چڪو هو ۽ لعزر کي اڳ ئي دفن ڪيو ويو هو۔
مارٿا: ”يسوع، جيڪڏهن توهان پهرين آيا هجو ها، تہ منهنجو ڀاءُ نہ مري ها۔“
يسوع: ”لعزر ٻيهر جيئرو ٿيندو۔“
مارٿا: ”مان ڄاڻان ٿي تہ هو وري جيئرو ٿيندو قيامت جي ڏينهن تي جڏهن خُدا هر ڪنهن کي زندہ ڪندو۔“
يسوع: ”موت ۽ زندگي تہ مان آهيان۔ جيڪو بہ مون تي ايمان آڻي ٿو، چاهي هو مري بہ وڃي، تڏهن بہ جيئرو رهندو۔ ڇا توکي هن ڳالهہ تي يقين آهي؟“
مارٿا: ”مون کي يقين آهي تہ تون خدا جو پُٽ آهين۔“
يسوع تي ڀروسو رکڻ سڀ کان بهترين ڪم آهي۔ جيتوڻيڪ توهان کي ان جي سمجھ نہ بہ اچي، تڏهن بہ يسوع تي ڀروسو رکڻ سڀ کان بهترين ڪم آهي۔
مارٿا گھر ڏانهن ڀڄي وئي۔
مارٿا: ”مريم، يسوع توکي سڏيو آهي۔“
(ڀڄڻ جي آواز) هوءَ اهو نہ سمجھي هئي تہ هن جو ڀاءُ ڇو مرِي ويو۔
هوءَ پنهنجي اکين ۾ ڳوڙها کڻي يسوع وٽ ڀڄي آئي۔
مريم: ”يسوع، جيڪڏهن توهان هتي هجو ها، تہ لعزر نہ مري ها۔“
يسوع: ”توهان هن کي ڪٿي دفن ڪيو آهي؟“
مريم: ”مون سان گڏ هلو، مان توهان کي ڏيکارينديس۔“
گھڻا ماڻهو، جيڪي ماتم ڪرڻ آيا هئا، انهن سان گڏ ان قبر ڏانهن ويا جنهن کي هڪ وڏي پٿر سان بند ڪيو ويو هو۔
۽ اتي يسوع بہ روئي پيو۔
مرد: ”هو روئي رهيو آهي۔ هن کي هن سان تمام گھڻو پيار هو۔“
مرد: ”تہ پوءِ هن کيس مرڻ ڇو ڏنو؟“
يسوع: ”پٿر کي هٽايو۔“
مارٿا ڊڄيل هئي۔
مارٿا: ”خُداوند، هو چار ڏينهن اڳ مري چڪو آهي۔ هن ۾ بدبوء هوندي۔“
يسوع: ”مارٿا، جيڪڏهن تون مون تي يقين رکين ٿي، تہ تون خُدا جو جلال ڏسندين۔“
يسوع تي ڀروسو رکڻ سڀ کان بهترين ڪم آهي، چاهي ڪيترا ئي خراب حالات ڇو نہ هجن۔
بلڪہ جيڪڏهن توهان کي هن جي سمجھ نہ بہ اچي، تڏهن بہ يسوع تي يقين رکڻ سڀ کان بهترين ڪم آهي۔ ماڻهن پٿر کي هٽايو۔ تڏهن يسوع مٿي ڏٺو۔
يسوع: ”خُداوند، تون هميشہ منهنجي دعا ٻڌين ٿو۔ لعزر! ٻاهر نڪري آءُ!“
معجزو ٿي ويو۔ مري ويل ماڻهو قبر مان ٻاهر نڪري آيو!
گھڻن ماڻهن، جن هي ڏٺو، يسوع تي ايمان آندو۔ يسوع تي ڀروسو رکڻ سڀ کان بهترين ڪم آهي، ڪجھہ بہ ٿي رهيو هجي بي فڪر ٿي وڃو۔ ڇا توهان يسوع تي يقين رکو ٿا؟
ماڻهون: بيان ڪرڻ واري، مارٿا، يسوع، مريم، ٻہ مرد
ynamreG FEC :thgirypoC ©