531. شیڈول ۳

(ٹریفک دا شور)

مُنڈا: ”شاگردی دا زمانہ حصہ ۲۔ چالان۔“

خوشی منائی گئی۔ ہتھیار نہیں سگوں خدا نے شہر دیاں کنداں نوں ڈھا دِتا جدوں اوہناں نے نرسنگے وجائے۔

اسرائیلیاں دے نال خدا اے ایس لئی اوہ چھیتی ای سارے علاقے نوں فتح کر لین گے۔ جیتن والیاں نے خوشی منائی۔ پر اک بندہ چپ کر کے آپنے تنبو وچ جا بیٹھا۔ بالکل ایس طرح جیویں کوئی ٹریفک دے قنون توڑن والا جاندے بوجھدے ہوئے خدا دے نشان ”چوری نہ کرو“ دے خلاف کردا ہووے۔

خدا آکھیا: ”خوف ناں کر۔ ایہہ شہر تیرا اے۔ پر توں میرے حکماں نوں من: لُٹے ہوئے مال وچوں کوئی آپنے لئی کجھ نہیں لے سکے گا۔“

خدا سدا جدوں کوئی حکم دیندا اے تے اوہنوں پورا کرواندا اے۔ پر عکن نے اوہدی گل نوں سچ ناں جانیا۔

عکن: ”ایہہ مینوں یریحو دے مال وچ کیہ دِسدا پیا اے؟ بابل دی اک سوہنی چادر! سونا تے چاندی! میَں ایہہ ایس طرح چھڈ کے نہیں جا سکدا۔ کوئی مینوں نہیں ویکھدا پیا میں اے چُک لیندا اَں۔“

کسے وی ریڈار نے اوہدی ایس حرکت نوں ناں ویکھیا، پر خدا دے ویڈیو کیمرے نے ایہہ سارا کجھ ویکھ لیا۔ خدا دی اکھ عکن نوں ویکھدی پئی سی ایتھوں تیک پئی جدوں اوہنے آپنے تنبو وچ سارا خزانہ لُکا لیا۔

تے ہن اگلا شہر فتح کیتا جانا سی۔ جاسوس چنگی خبر لے کے آئے۔

جاسوس: ”یشوع، عی اک نِکا شہر اے۔ ۰۰۰۳ فوجی اینہوں آسانی نال ہرا سکدے نے۔“

پر اوہ آپ ہار کے مُڑے۔ تے جدوں اوہ شہر تھوں دُور دوڑدے پئے سن تے اوہناں دے ۶۳ لوک وی مر گئے۔ یشوع خدا دے اگے رویا۔

یشوع: ”اے خداوند ایہہ کیوں ہویا؟ توں ساڈی مدد کیوں نہیں کیتی؟“

خدا نے اوہدے سوال دا جواب دِتا۔

خدا: ”توں غلط ایں۔ کسے نے چوری کیتی اے پہلاں اوہنوں ٹھیک کر تے فیر میَں تہاڈی مدد کراں گا۔“

فیر سب کجھ ظاہر ہو گیا۔ عکن نے آپنی غلطی قبول کر لئی۔

اک بندے نے گناہ کیتا تے باقی ساریاں نوں وی مشکل دا سامنا کرنا پیا۔ ایس طرح اکثر ہوندا اے، جس طرح کوئی لال لوَ نوں ویکھ کے وی گڈی چلاندا رہندا اے تے کسے نوں ٹکر مار دیندا اے تے اوہناں نوں وی ہلاک کر دیندا اے۔

ٹریفک دے قنون توڑن والیاں نوں جرمانہ دینا پیندا اے۔ پر اسی خدا نوں جرمانہ ادا نہیں کر سکدے۔ اوہ راستباز خدا اوہناں لوکاں نوں موت دے حوالے کردا اے جیہڑے اوہدے حکماں نوں نہیں مندے۔

عکن نوں وی روڑے مار مار کے اک اُجاڑ وادی وچ ہلاک کر دِتا گیا۔

ہن دھیان نال سنو! راستباز خدا محبت دا خدا وی اے۔ جیہڑی سزا مینوں تے تہانوں ملنی چاہیدی سی اوہدا جرمانہ یسوع نے ادا کر دِتا جدوں اوہنے صلیب اُتے جان دے دِتی۔ جے تہاڈا ایمان یسوع اُتے ہے اے، جیہڑا تہاڈی خاطر مریا تے فیر جیو اُٹھیا، تے خدا تہاڈا ”چالان“ وی پاڑ دے گا۔

لوک: بیان کرن والی، مُنڈا، خدا دی واج، عکن، جاسوس، یشوع

حقوق: بحق سی ای ایف جرمنی محفوظ نے۔