29. آدم خورشیر ۴

صاحب گروُب: ’’رِنگو، کیہ ہویا اے؟ توں ایڈا بے چین کیوں ایں؟‘‘

رِنگو: ’’صاحب، اسی شیردا شکار کرن چلے اَں۔ اک آدم خورشیرساڈے پینڈ دے آسے پاسے پھردا پیا اے۔‘‘

صاحب گروُب: ’’تے تُوں نال جا رہیا ایں؟‘‘

رِنگو: ’’آہو جی! پر جے اوہنے میرے تے حملہ کیتا تے فیر کی ہوئے گا تے جے بدرُوحاں آگیاں؟‘‘

صاحب گروُب: ’’کوئی ہے جیہڑا تیری راکھی کرے گا۔ اوہ زورآور اے تے ہر کم کر سکدا اے۔ اوہ بدروحاں نالوںوی زورآور اے۔ یسوع! بائبل وچ ایہہ آکھیا گیا اے پئی اوہ سانوں بدروحاں دے زور تھوں چھڈان لئی آیا۔‘‘

رِنگو: ’’کیہ یسوع واقعی اوہناں نالوںودھ زورآور اے؟‘‘

صاحب گروُب: ’’ہاں، بہت زیادہ زور آور۔‘‘

رِنگو: ’’میَں وی اوہدے اُتے یقین کرنا چاہناں، جس طرح تُسی یقین رکھدے او۔‘‘

رِنگو ایہہ بالکل چنگی طرح جاندا سی پئی اوہنوں یسوع دی لوڑ اے۔ اوہنے دعا کیتی تے یسوع نوں آپنی زندگی وچ آون دی دعوت دِتی۔ اوہنے نہ دِسن والے خدا نال گل کیتی تے اوہنوں بڑا یقین سی پئی یسوع نےاوہدی سُنی اے۔

صاحب گروُب: ’’رِنگو، توں ہر ویلے یسوع نال گل کرسکدا ایں تے اوہدے کولوں مدد منگ سکدا ایں، سگوں جدوں شیردا شکار وی کردا ہویں تد وی۔‘‘

کجھ ہی گھنٹیاں بعد جاون دا ویلا ہو گیا سی۔ لوکاں نے آپنے ہتھیار لئے تے رِنگو نے مشعل۔ اوہ چپ کر کے اوس پرانے رُکھ اُتے چڑھے جیہڑا پین والے پانی دے تالاب دے کول سی۔ جدوں اوہ علاقے نوں ویکھدے پئے سن تے جوش نال بھرے سن۔ رِنگو نے چپ کرکے دعا کیتی۔

رِنگو: ’’خداوندیسوع، مہربانی کرکے ساڈی مدد کرپئی اسی شیرنوں مار سکئے ایس تھوں پہلاں پئی اوہ ہورلوکاں نوں مارے۔ کیہ تساں اوہ ویکھیا؟ اوتھے کوئی شے ہلدی پئی اے۔‘‘

رِنگو نےآپنے پیو دے ہتھ نوں کھیچیا۔ اوہ بڑی مشکل نال ساہ لین لگا۔ مرے ہوئے ڈھگے نوںسونگھدا ہویا شیراوہدے ول آیا جنہوں لوکاں نے اوتھے پھاہی دے طور اُتے رکھیا سی تے اوس اُتے لالچ وچ حملہ کر دِتا۔ شیر نے اُتے ویکھیا تے فیر چھیتی نال ایہہ ہویا (بندوق دی گولی چلن دی واج)۔

والد: ’’کِنے افسوس دی گل اے! اوہ میرے کولوں بچ کے نکل گیا!‘‘

بندہ: ’’ذرا دھیان نال! اوہ آوندا پیا اے! اوہ ساڈے اُتے چھال مارے گا!‘‘

والد: ’’رِنگو، اوہدیاں اکھاں وچ لیٹ مار۔ اوہنوں ایہدی لَو نال انھیاں کر دے!‘‘

رِنگو: ’’مدد کرو، مشعل دی لَو بڑی گھٹ اے۔ خداوند یسوع مینوں کیہ کرنا چاہیدا اے؟‘‘

رِنگو نےآپنے پورے زور نال مشعل نوں دورسُٹیا۔ شیر نے لیٹ وَل چھال ماری۔ گولی چلن دی واج آئی۔

شیرنے اک ہور واری وا وچ چھال ماری تے فیر مُڑ آیا تے اگے لمبے گھا وچ ڈِگ پیا، تے اوہ زخمی سی۔ رِنگو دے پیو نے فیرتھوں آپنی بندوق سیدھی کیتی، تے گولی چلا دِتی (گولی چلن دی واج)، تے اوہ خطرناک جانور زمین اُتے مریا پیا سی۔

ہر کسے نے سُکھ دا ساہ لیا، تے رِنگو نے چپ کر کے دعا کیتی۔

رِنگو: ’’خداوند، میَں تیرا بڑا شکرادا کردا اَں۔ توں ساڈی مدد کیتی!‘‘

خدا کسے دا ساتھ نہیں چھڈدا۔ تساں اوہدے نال کیہ تجربہ کیتا اے؟

تسی مینوں ایہدے بارے وچ لکھ کے دس سکدے ہوپئی اوہنے تہاڈی دعا دا کس طرح جواب دِتا۔

لوک: بیان کرن والی، رِنگو، صاحب گروُب، والد، بندہ

حقوق: بحق سی ای ایف جرمنی محفوظ نے۔