Home -- Punjabi -- Perform a PLAY -- 033 (Farewell from the mountain)
!ڈرامے- ایناں نُوں اپنے بیلیاں لئی ادا کرو
بچیاں دے ادا کرن لئی ڈرامے
33. پہاڑ توں الوداع
مُنڈا: ”بلّے بلّے! جمعرات نوں ساڈے سکول دی چھٹی اے۔“
کُڑی: ”ایہہ کیہڑی چھٹی اے؟“
مُنڈا: ”صعود دے دن دی۔“
کُڑی: ”ایہدا کی مطلب اے؟“
مُنڈا: ”خیر،مینوں وی چنگی طرح نئیں پتہ۔“
کیہ میَں تہانوں دساں؟
مُنڈا: ”جی ہاں، سانوں ایہہ جان کے چنگا لگے گا۔“
صعود دا دِن سانوں یاد کرواندا اے پئی یسوع دھرتی اُتے آپنا کم پورا کر کے مُڑ اسمان اُتے ٹُر گیا سی۔ ایہہ ایسٹر دے ٹھیک چالی دِناں بعد ہویا سی۔ اوہناں چالیاں دِناں وچ، یسوع آپنے چیلیاں نوں مڑمڑ نظر آوندا رہیا۔ اوہناں نے اوہنوں ویکھیا، اوہدیاں گلاں سُنیاں، اوہدے نال روٹی وی کھادی۔ اک دن اوہ ۰۰۵ توں بہتے لوکاں نوں اکو ویلے دِسیا۔
تے ایسٹر دے چالی دناں بعد اوہ آپنے چیلیاں نوں زیتون دے پہاڑ اُتے لے گیا۔ اوہ اوہناں نال اوتھے کلیاں رہنا چاہوندا سی تے اوہناں نوں آپنے جاون توں پہلاں کجھ خاص گل دس کے جانا چاہوندا سی۔
یسوع: ”میَں خُدا دا کم پورا کر دِتا اے۔ ہن تُسی دُنیا وچ ہر کسے دے کول جاوو تے اوہناں نوں دسو پئی میَں اوہناں لئی آپنی جان دِتی اے تے مینوں صلیب دِتی گئی اے۔ اوہناں نوں دسو پئی اوہ مینوں آپنا خُدا منن تے اک دن اوہ میرے نال اسمان اُتے ہوون گے۔ تے یاد رکھو، میَں سدا تہاڈے نال اَں تے تہانوں زور بخشاں گا تاں جو تُسی دوجیاں نوں میرے بارے دسو۔“
تے فیر یسوع نے آپنے ہتھ چُکے تے چیلیاں نوں برکت دِتی۔ تے جس طرح ای اوہنے ایہہ کیتا، اوہ اچانک غیب ہو گیا تے بدل نے اوہنوں اوہناں دیاں اکھاں توں لُکا لیا تے اوہ خدا دی نہ دِسن والی دُنیا وچ چلا گیا۔
مُنڈا: ”تے ہن یسوع اسمان اُتے کیہ کر رہیا اے؟“
اوہ ہر شے اُتے حکومت کردا اے، اوہ ساڈیاں دعاواں دا جواب دیندا اے تے خدا کولوں ساڈے لئی دعا وی کردا اے۔ تے جیہڑے اوہدے اُتے یقین رکھدے نے اوہناں لئی اوہ تھاں وی تیار کر رہیا اے تاں جو اوہ اوتھے اوہدے نال رہ سکن۔
کُڑی: ”میں ایہہ بائبل وچ پڑھیا سی۔ ایتھے، یسوع نے آکھیا: میر ے باپ دے گھر وچ بتھیرے کمرے نے؛ ۔۔۔ میَں جاناںواں تاں جو اوتھے تہاڈے لئی تھاں تیار کر سکاں۔“
مُنڈا: ”چیلیاں نوں دُکھ نئیں سی پئی یسوع ہن اوہناں نال نئیں سی رہیا؟“
بالکل نئیں۔ ایہہ ایسے طرح ہونا سی جس طرح اوہنے وعدہ کیتا سی۔
مُنڈا: ”کس طرح دا وعدہ؟“
میَں تہانوں اگلے ڈرامے وچ دساں گی پئی کس طرح دا وعدہ۔
لوک: بیان کرن والی، مُنڈا، کُڑی، یسوع
حقوق: بحق سی ای ایف جرمنی محفوظ نے۔