Platt - Low German, Dramas: Piece 166 – Mott Terry stoawen 4

This page in HTML4 - Print - Bottom

Home -- Platt (Low German) -- Perform a PLAY -- 166 (Must Terry die 4)

This page in: -- Albanian -- Arabic ? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi ? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam ? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish ? -- Swiss German ? -- Tamil -- Turkish -- Ukrainian -- Urdu -- Uzbek

Previous Piece -- Next Piece

DRAMASTEKJA – doo aundre Kjinja daut väaspälen!

Dramastekja fa Kjinja toom väadroagen

166. Mott Terry stoawen 4

Filipp: "Ruth, jleefst du, daut Terry stoawen woat?"

Ruth: "Nä, ekj hab jebät, daut Jesus am jesunt moakt."

Filipp: "Ekj uk, oba ekj weet nich, aus hee mie hieet."

Ruth: "Wan du een Schopkje vom gooden Hoad best, dan hieet hee die ema."

Filipp: "Un woo deit man daut?"

Ruth: "Saj am daut, daut du to am jehieren west."

Ruth deed dan äarem Brooda daut Bilt vom gooden Hoad wiesen, daut de Pfarrer ar jeschonken haud.

Filipp deed daut lanj bekjikjen.

Filipp: "Daut well ekj doonen. Lot mie bitte auleen."

Boolt wia aun sienem schaftkjen Jesecht to seenen, daut hee Jesus aunjehieet. Un een Breef von Terry, muak dee beid äwajlekjlich.

"Leewa Filipp, leewe Ruth, Ekj sie nich mea im Krankenhus. Bitte, komt mie besiekjen.
Miene Adras: Erlenhütte am Bach, Im Wildenwald.
Jun Terry."

Erlenhütte am Bach? Äa Frint wont in ditt oame Husche?

Filipp kloppat väasechtich aun de Däa. (Aun de Däa kloppre)

Mama: "Waut well jie hia?"

Ruth: "Terry haft ons enjelot."

Mama: "Sent jie de Kjinja, dee doabie wieren aus Terry daut Onjlekj haud? Komt nen."

One sich to bewäajen lach Terry im Bad. Hee wia bloos grausam denn un blauss. Hee hield aus hee siene beid Frind sach. Filipp un Ruth wissten goanich, waut see met am räden sullen. In de Sto wia daut dunkel un rikjt no enje Loft.

Terry haud sea groote Weedoag. To Meddach kjrieech hee bloos een Kuffel Tee un eene denne Brootkjarscht. Filipp un Ruth hauden daut niemols jedocht, daut Terry soo oam wia. Tus vedalden see Taunte Margret aules, un naumen sich fäa, Terry jieden Dach to besiekjen.

Filipp: "Ekj brinj am mien Album woo ekj aulahaunt vom Woolt oppjemolt hab."

Ruth: "Un ekj eene Lusch Appel, un doato de Bibel met de Jeschichten vom gooden Hoad."

Filipp: "Wie jäwen siene Mama vea Euro von onsem toopjespoaden Jelt, dann kaun see fa Terry Malch kjeepen."

Ruth: "Riekjen twee Euro nich uk too?"

Filipp: Wie nämen aules met, un äwalajen unjawäajes waut wie sellen."

Un krajt soo deeden see daut.

Rod mol, wäm see meddel im Woolt bejäajnen deeden?

Daut näachste Spell toom horchen woat die daut veroden.

Persoonen: Eena waut vetalen deit, Filipp, Ruth, Mama

This page in HTML4 - Print - Top