Home -- Punjabi -- Perform a PLAY -- 166 (Must Terry die 4)
!ڈرامے- ایناں نُوں اپنے بیلیاں لئی ادا کرو
بچیاں دے ادا کرن لئی ڈرامے
661. ٹیری نُوں مرنا پوے گا ۴
فلپ: ”روتھ، کیہ تینوں نئیں لگداپئی ٹیری مر جاوے گا؟“
روتھ: ”نئیں، میَں یسوع کولوں دعا منگی اے پئی اوہنوں چنگا کر دے۔“
فلپ: ”میَں وی دعا کیتی اے، پر میَں نئیں جاندا پئی یسوع میری سُنے گا یا نئیں۔“
روتھ: ”جے توں چنگے ایالی دی بھیڈ ایں، تے اوہ سدا تیری سُنے گا۔“
فلپ: ”ایہہ کس طرح ہووے گا؟“
روتھ: ”اوہنوں آکھ پئی توں اوہدے نال چلنا چاہندا ایں۔“
روتھ نے آپنے بھرا نوں چنگے ایالی دی تصویر وکھائی جیہڑی اوس پادری نے دِتی سی۔
فلپ دیر تیک اینہوں ویکھدا رہیا۔
فلپ: ”ہاں میَں ایس طرح کرنا چاہندا اَں۔ مہربانی نال مینوں اکلا چھڈ دو۔“
چھیتی ای اوہدے چمکدے ہوئے مُنہ تھوں پتہ لگ گیا پئی ہن اوہدا تعلق یسوع دے نال اے۔ تے فیر ٹیری ولوں جیہڑا خط آیا اوہدے تھوں اوہ بچے ہور وی خوش ہو گئے:
”پیارے فلپ، پیاری روتھ، ہن میَں ہسپتال وچ نئیں اَں۔ تُسی مینوں ملن ضرور آنا۔ میرا پتہ اے، ندی دے کول جنگل وچ پیاری والی جھُگی۔ تہاڈا ٹیری۔“
ندی دے کول پیاری والی جھُگی؟ اوہناں دا بیلی کمزور جھُگی وچ رہندا سی؟
فلپ نے آرام نال بوہا کھڑکایا۔ (کھڑکان دی واج)
ماں: ”تُسی کیہ چاہندے ہو؟“
روتھ: ”ٹیری نے سانوں دعوت دِتی سی۔“
ماں: ”کیہ تُسی اوہ ای بچے ہو جیہڑے ٹیری دے نال سن جدوں اوہنوں سٹ لگی؟ اندر آ جاؤ۔“
ٹیری آپنے بستر اُتے پیا ہویا سی۔ اوہدا رنگ بڑا پیلاسی تے او بڑا ماڑا دِسدا پیا سی۔ جدوں اوہنے آپنے دونہواں بیلیاں نوں ویکھیا تے اوہ رو پیا۔ فلپ تے روتھ نوں ایہہ نئیں پتہ سی پئی اوہناں نوں اوہدے نال کیڑی گل کرنی چاہیدی اے۔ کمرہ کافی خراب تے گھٹن والا سی۔
ٹیری نوں بڑی پیڑ سی۔ دوپہر دے کھانے وچ اوہنے چاہ دا کپ پیتا تے روٹی دا اک نِکا جیہا ٹوٹا کھادا۔
فلپ تے روتھ نے ایہہ کدی نئیں سوچیا سی پئی ٹیری ایڈا غریب ہو وے گا۔
گھر وچ اوہناں نے ماگریٹ ماسی نوں سارا کجھ دسیا تے فیصلہ کیتا پئی اوہ ہر روز ٹیری نال ملن جان کرن گے۔
فلپ: ”میَں آپنے نال جنگل دیاں تصویراں والی کتاب لے کے جاواں گا اوہنوں وکھان لئی۔“
روتھ: ”تے میَں آپنے نال سیباں والا بستہ لے کے جاواں گی، تے نال اک بائبل جہدے وچ چنگے ایالی دی کہانی ہووے گی۔“
فلپ: ”اسی اوہدی ماں نوں پنج سو روپیہ وی دیاں گے آپنے گلے وچوں تاں پئی اوہ ٹیری لئی دودھ لے سکن۔“
روتھ: ”کیہ تین سو روپے کافی نئیں ہون گے؟“
فلپ: ”اسی سارے پیسے نال لے جاواں گے تے راہ وچ ایہہ فیصلہ کر لواں گے۔“
تے اوہناں دونہواں نے ایس طرح ای کیتا۔
کیہ تُسی دس سکدے ہو پئی جنگل دے راہ وچ اوہناں نوں کون ملیا سی؟
تہانوں اگلی کہانی وچ ایہہ پتہ لگے جاوے گا۔
لوک: بیان کرن والی، فلپ، روتھ، ماں
حقوق: بحق سی ای ایف جرمنی محفوظ نے۔