Home -- Quechua -- Perform a PLAY -- 166 (Must Terry die 4)
166. Terry wañupunqachu 4
Felipe: "Rut, ¿creenkichu Terry wañupunanta?"
Rut: "Mana, Jesúsmanta mañakorqani sanoyachinanta."
Felipe: "Noqapis mañakullarqanitaj, jinapis mana yachanichu uyarinawantaqa."
Rut: "Qan uj ovejita Sumaj Michejpata kanki chayqa, uyarisonqapuni."
Felipe: "¿Chanta imaynapitaj Sumaj Michejpa ovijitan kasunmanrí?"
Rut: "Qan ninayki tiyan Paypata kayta munasqaykita."
Rutqa hermanonman qosqa pastor Robingerpa regalasqan Sumaj Michejmanta cuadrotaqa.
Felipe: "Munani qan ruwasqanki jinata ruwayta, sapayta saqeway."
Chaymanta manchay kusisqa uyayoj Jesuspataña kasqanta tukuy sonqo nirisqa Felipeqa. Uj cartata Terry apachisqanta astawan kusichisqa paykunataqa:
"Munasqa Felipe, chanta Rut, manaña hospitalpiñachu kashani, ama jina kaspa waturikuwaychej. Kay cheqapi tiyakuni: Álamo ch’ujlla, jatun mayu kantupi nipej chayanannej montepi; saludasunkichej kawsaqeykichej Terry" nisqa carta chayaykusqa.
¿Álamomanta ch’ujlla, manyu kantupi? ¿Kawsaqenkuqa uj thanta ch’ujllapichu tiyakunman karqa? Felipeqa alliyllawan punkuta takaykusqa. (golpes)
Madre: "¿Imatataj kaypi munankichej?"
Rut: "Terry invitawarqayku."
Madre: "¿Terry accidentakushajtin, paywan kasqankichej chay wawakunachu kankichej? Jina chayqa yaykumuychej."
Terryqa camampi puñushasqa mana kuyurej. Sinch’i tullitu q’ellupachataj kashasqa. Chay kawsaqesninta rikuytawan waqay ñawisninmanta t’akarikusqa, Felipewan Rutwanqa mana yachasqankuchu imamanta parlaytaqa. Chay wasi ukhuqa manchikuna jina laqha kasqa, chimpachataj. Terryqa sinch’i nanaykunawan kashasqa. Chawpi p’unchay mikhuna horasta mamanqa uj vaso téllata qosqa, uj sillp’a t’anta khuchusqatawan. Felipewan Rutwanqa ni jayk’aj yuyasqankuchu kawsaqenku Terry chay jina wajcha kasqantaqa. Wasinkuman kutispataj tukuyta tiyanku Margaritaman willasqanku, paykunataj nisqanku sapa p’unchay kawsaqenku Terryta watukoj rinankuta.
Felipe: "Noqa chay montesmanta fotosniyoj libroyta apasaj."
Rut: "Noqataj uj bolsa manzanasta, chanta Bibliatawan maypichus nishan Sumaj Michejmanta chayta ima."
Felipe: "Mamanmantaj qosunchej 4 Euros qolqeta jallch’akusqanchejmanta lecheta Terrypaj rantipunampaj."
Rut: "Chaypajqa khuskanin qolqella alcanzanqa."
Felipe: "Tukuy qolqeta apasunchej, chanta ñanta rin jinataj imatachus apananchejtawan yuyarisun."
Ajinatataj ruwasqanku chay wawakunaqa. Yachallawaj pìwanchu chay monte ukhupi tinkusqankutaj á.
Chaytaqa qhepallampiña yachasun.
Personajes: Relator, Felipe, Rut, madre
© Copyright: CEF Germany