Platt - Low German, Dramas: Piece 165 – Jeheemplauz besat 3

This page in HTML4 - Print - Bottom

Home -- Platt (Low German) -- Perform a PLAY -- 165 (The secret place is taken 3)

This page in: -- Albanian -- Arabic ? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi ? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam ? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German ? -- Tamil -- Turkish -- Ukrainian -- Urdu -- Uzbek

Previous Piece -- Next Piece

DRAMASTEKJA – doo aundre Kjinja daut väaspälen!

Dramastekja fa Kjinja toom väadroagen

165. Jeheemplauz besat 3

Ruth (bejeistat): "Taunte Margret, Fru Robinger haft mie enjelot. Ekj saul Sinowend met äare Zwillinje spazieren foaren. Doaf ekj? Bitte, saj doch jo!"

Taunte Margret: "Daut jeit leida nich. Ekj hab Fru Müller vesproaken, daut du met äare Nicht spälen woascht."

Ruth: "Ekj well oba nich! Ekj hauss däa! Ekj go doahan, woo ekj well!"

Taunte Margret: "Ruth, go in diene Sto. Ekj docht, du hautst die jeändat."

Ruth: "Daut es mie krajt endoont." (Däa knault to)

Oba Ruth wia daut nich endoont. See schmeet sich opp daut Bad un musst bettalich hielen.

Taunte Margret: "Ruth, waut es los met die?"

Ruth (vesiejt opptohieren met hielen): "Nu wia ekj wada bees. Es mie dee gooda Hoad noch goot? Taunte Magret, denkjst du hee vezeit mie?"

Taunte Margret: "Gaunz, bestemt Ruth. Wan die daut leet deit un du däm Harn Jesus doano frachst, dan vezeit hee die."

Ruth deed bäden. Un äare Taunte fruach see uk om Vejäwung. Dan kun see uk met ruijem Jewessen enschlopen un freid sich opp däm näachsten Dach.

Ruth un Filipp wullen no äarem jeheemen Plauz im Wildenwoolt gonen.

Aul tiedich jinjen de Jeschwista loos.

Äa Huskje im dichten Struk sach soo ut aus ema. Filipp kroop derch daut Loch doa nen, oba hee kaum fuaz wada rut.

Filipp: "Doa es eena benen! Hei, kom fuaz rut. Daut es ons Huskje."

Terry: "Ekj bruck jun bleedet Huskje uk goanich. Ekj kaun mie een väl bätret buen."

Een Jung meet een oolet Hamd un verätne Bekjsen, kaum ut daut Huskje rutjekropen. Hee wia onjefäa 10 Joa oolt. Ruth un Filipp kunen däm fuaz goot lieden. Terry wort äa basta Frint. See deelden äa Äten met am en un hee deed iend aulahaunt Jeheemnisse im Wildenwoolt wiesen.

Terry kun klautren aus eene Op. Kjeen Boom wia am to huach.

Filipp: "Aunhoolen Terry! Nich wieda! De Aust es to denn."

(Aust kracht) Un dan kracht daut, un Terry fol rauf. One sich to bewäajen blift Terry lijen.

Filipp: "Ruth, ekj jleew hee läft noch. Bliew bie am, ekj holl Help."

Ruth haud Angst om Terry, un bäd:

Ruth: "Har Jesus, bitte lot Terry nich stoawen. Ekj well am von die vetalen, doamet hee uk dien Schopkje woat."

Entlich kaum Help. Väasechtich wort Terry oppjehowen, in nom Krankenhus jebrocht.

Filipp: "Ruth jleefst du, daut Terry stoawen woat?"

Daut woascht du im näachsten Spell toom horchen erfoaren.

Persoonen: Eena waut vetalen deit, Ruth, Taunte Margret, Filipp, Terry

This page in HTML4 - Print - Top