Home -- Aymara -- Perform a PLAY -- 165 (The secret place is taken 3)
165. Cuentapjjäna ucat sapa uru 3
Rut (wali c’uchi): “Tía Margarita, Robinger señorajj invitituwa. Ispa wawanacap sabad urujj paseyirist uc muni. ¿Sariristi? ¡Sarajjay! ¿Ya?”
Tía Margarita: “Janiw qhitquirismati. Señora Milerarojj sobrinapamp anatataw jistwa.”
Rut: “¡Janijjay muncstijja! ¡Uñismawa! Cawquirutï munctjja ucaruw sarä.”
Tía Margarita: “Rut, cuartomar saram. Cambiejjchï sascayätwa.”
Rut: “¡Janiw importquituti, cunäscpasa!” (puncuw jist’cat-ti)
Chekpachans janiw uqhamäcänti. Iquiñaparuw jakositayna walpïn jachäna.
Tía Margarita: “Rut, ¿cunas pastam?”
Rut (jacha jachasa): “Wastat culiraracta. ¿Suma Awatirejj munascacpachïtuti? Tía Margarita ¿perdonascaquitanitï?”
Tía Margarita: “Uqhamawa, Rut. Arrepintisïtajja ucat perdón mayïtajja, Jesusajj perdonätamwa.”
Rutejj oränwa. Tiaparojj perdón mayiraquitaynawa. Chuymapan samarataw ict’asitayna uqhamarac cusisiñampi khepürutaqui.
Jupajj Felipempi jan uñt’at ch’umin imantasiñaparuw sarañ munäna.
Alwataw mistupjjatayna. Ch’umin utitapajja ucancascänwa. Felipejj mantänwa, ucampis ratuquiw cutsuni.
Felipe: “¡Yakhaw ucanqui! ¡Choy, lak mistunim! Acajj nanacanquiw.”
Terry: “Janiw aca utam muncti. Yakh juc’amp sum lurasiristwa.”
Ma chicow mistuni. Thantha camisanïnwa uqhamarac ch’iyjat pantalonani. 10 maränïpachawa. Feliper uqhamarac Ruterojj machak amigoniñajj walïnwa. Uqhamajja Terryjj suma amigöjjänwa, jupampiw meriend mankt’asipjjäna. Terryjj ch’umi walja jan uñt’atanacwa yatichäna.
Terryjj c’usilljamaw jalcatañ yatïna. Janiw kokanacajj ancha altocänti jupataquejja.
Felipe: “¡Ucqhacamac, Terry! ¡Jan juc’ampjja! ¡Uca lawajj juch’usaquiwa!”
(mä lawaw pacjti)
P’aquisiw ucat Terryjj jalakti. Oraken liwisïna, jan onjtasa.
Felipe: “Rut, jacascasmachiwa. Acancam jumaj nayast yanap thaker sarä.”
Rutejj ajjsaränwa ucat oración luräna.
Rut: “Tatit Jesús, jan jiwpanti. Jumat parlañ munta juparu juman ovejitañapataqui.”
Yanapajj purinjjataynawa. Teryrojj wali c’achatampiw mä camilljjaru apjjatapjjäna ucat hospitälaruw apapjje.
Felipe: “Rut, ¿Terryjj jiwaspati?”
Mayän yatjjäta.
Uñstirinaca: Parliri, Rut, tía Margarita, Felipe, Terry
© Copyright: CEF Germany