Home -- Platt (Low German) -- Perform a PLAY -- 115 (The greatest Christmas present)
115. Daut groote Wienachtsjeschenkj
Mäadche: "Ekj kaun daut meist nich aufluaren bat Wienachten es. Mien Wenschszaddel es dit Joa scheen lang."
Junj: "Hopentlich erfellt sich mien jrazta Wensch. Ekj mucht soo jiern een nieet Smartfon haben."
Een besche mott jie oba noch wachten.
Mäadche: "Jo leida!"
Oba toom Jlekj nich soo lanj aus Simeon.
Junj: "Wäa es dan daut?"
De Bibel deit am soo väastalen: Nich mea gaunz junk, oba zimlich oolt. Hee wont in Jerusalem un bleef Gott tru. Bat sich sien jrazta Wensch erfelen deed, musst hee 40 Joa wachten. Vleicht sogoa noch länja.
Mäadche: "Soo lanj? Un waut wia sien jrazta Wensch?"
Sien Wensch haud waut met Gott sien Vespräakjen to doonen.
Gott: "Simeon, du woascht iescht stoawen, wan du däm Rada von de Welt jeseenen hast."
Uk wan Simeon lanj wachten musst, haud hee de Hopninj nich oppjejäft. Wiels opp Gott kaun maun sich veloten, daut wisst hee.
Eenen Dach jinj hee nom Tempel. Un krajt in dise Tiet kaumen Maria un Josef met däm Jesuskjint. Aus Simeon daut Kjint sach, wisst hee plazlich: Dit es dee vesproakna Rada!
Simeon sach Jesus. Nu wia sien jrazta Wensch erfellt. Daut muak am jlekjlicha aus aule Jeschenkja in de Welt.
Met groota Freid naum hee daut Jesuskjint opp siene Oarms un bäd:
Simeon: "Har, nu kaun ekj in Fräd stoawen, wiels du hast dien Vespräakjen enjeleest. Miene Uagen haben däm Rada von de Welt jeseenen."
Doa haft mol wäa von Simeon een Leet jemoakt:
(Musikj)
Doa wia mol een oola, oola Maun, met Nomen Simeon.
Sien jrazta Wensch haud sich erfellt, hee sach däm Sän von Gott.
Kom, kom uk no mie, Heilant ekj moak die de Däa op.
Kom, kom uk no mie, Heilant ekj moak die de Däa op.
Ekj weet nich, aus aune Wienachten aul diene Wensche sich erfelen woaren. Oba ekj weet, wan du dit Leet to dienem Wensch moakst, dan woat Jesus die daut noch vendoag erfellen.
Persoonen: Eena waut vetalen deit, Mäadche, Junj, Gott, Simeon
Copyright: CEF Germany