STORIES for CHILDREN by Sister Farida

(www.wol-children.net)

Search in "Fulfulde":

Home -- Fulfulde -- Perform a PLAY -- 015 (The baked Bible)

Previous Piece -- Next Piece

DRAMAS -- perform them for other children!
Plays for children to perform

15. Fii ko Deftere nden sunnaa kon


Debbo : "Hiɓe arude! Hiɓe arude!"

Hari debbo on no juɗude bireedi on e himo ndaarora ka fineeter, o yi'i ko cukkotooɓe Iisayankeeɓe ɓen woni kon arude ka suudu makko. Hiɓe woowunoo liɲude fow, ƴetta defte Kitaabul-Muggadasi on e beyti ɗin, ɓe sunna fow.

Worɓe : "Udditee! Udditee kisan!" (Hito ko baafe ɗen memmintoo kon)

Ko honɗun o haani waɗude? O ƴetti kisan Kitaabul-Muggadasi on, o buumi deftere makko ɓurde nden hittude ka condi farin ndin tappaa ɗon, o waɗi ka nder fuuru. Onsay, e nder diwnugol, o udditi baafal ngal, himo sutii ko yimɓe ɓen bugotoo kon ka nder pilaakar, uddita tiruwaaruuji ɗin, liɲa piiji maɓɓe ɗin fow.

Ko jiiɓoldu hondu nii! Kono hay huunde ɓe yi'aali. Ɓe sonkani debbo on fota, ɓe honki baafal ombiingal ngal (hito ko baafal ngal honkii kon).

Ɓay deƴƴitii, debbo on ƴetti bireedi juɗaaɗo on ka nder fuuru, ɓe yiiti nder ton Kitaabul-Muggadasi makko on, tawi huunde heɓaali nde.

Ɗaɓugol ndee deftere wi’eteende Kitaabul-Muggadasi ka nder leydi maɓɓe ko ko toŋaa.

Kono o ɗoftike Alla edii o ɗoftaade yimɓe ɓen, himo jangaynoo Daaluyee Alla on e nder gundoo. Ko ɗun okkori mo doole e cuucal ɲande wo.

(Fijirgol gallol e nder deƴƴere)
Jandeeji Joomiraaɗo on ko feewuɗi, hiɗi weltina ɓernde;
Yamirooje makko ɗen ko laaɓuɗe, hiɗe hentina gite.
Hulugol Joomiraaɗo on no laaɓi, ɗun ko ko luttata haa poomaa;
ɲaawooje Joomiraaɗo on ko goongaaje, ɗe fow majje ko feewuɗe.
Hiɗe hitti ɓuri kaøøe laaɓuɗo, hay kaøøe laaɓuɗo buy;
Hiɗe ɓuri njuuri lewyude, hay njuuri iwrundi e dembe.
Min nduu kurkaadu maa, ka kanje jannimmi,
tono mawɗo no wonani kala jokkuɗo ɗe (Zabuura 19 : 8-11).

Hara hiɗa jogii Kitaabul Muggadasi on ka nder suudu maa? Hita a accu nde heewa mbullaari ka nde wallintee ɗon. Janngu nde, weltoɗaa fii ko Alla windi kon e mayre. Si tawii, a jogaaki Kitaabul Muggadasi on, hara hiɗa faalaa nde, yeeto men.

No gasa Kitaabul Muggadasi on wontanoyte an kadi deftere ɓurnde hittunde nden fii maa.


Yewtooåe : Fillitotooɗo, debbo, worɓe

© Copyright : CEF Allemagne

www.WoL-Children.net

Page last modified on December 07, 2021, at 08:14 AM | powered by PmWiki (pmwiki-2.3.3)