Home -- Albanian -- Perform a PLAY -- 024 (Very good)
24. Shumë mire
Në klasën e pestë të gjithë ishin të emocionuar. Mësuesi na dha testet e matematikës. Disa morën frymë të lehtësuar. Nota e tyre nuk ishte aq e keqe sa e prisnin. Në Bibël zbulova notën që shumë fëmijë ëndërrojnë: A+!
A e dini ku gjendet kjo? Në faqen që shpjegon se si Zoti krijoi gjithçka. Krijimi i tij mori notën A+.
Habitem vazhdimisht se sa mrekullisht Zoti krijoi gjithçka: kafshën tuaj shtëpiake, macen, qenin. Milingonat e vogla, elefantët e fortë. Majmunët qesharak, të gjithë peshqit dhe zogjtë.
Përpara se të krijonte kafshët, Perëndia lejoi që pemët dhe bimët të rriteshin në mënyrë që kafshët të ushqeheshin me to. Dhe përveç kësaj lulet e shumta si: lulebora e vogël dhe lulja e madhe e diellit, trëndafili gjithë klas dhe vjollca aromatike. Secilit Zoti i dha farat për të riprodhuar vetveten. Krijuesi mendoi absolutisht për gjithçka. Së pari Ai krijoi dritën, sepse pa dritë nuk është e mundur jeta.
Zoti krijoi gjithçka. A e dini se si?
Përmes fjalës së Tij. Ai tha: U bëftë dritë dhe drita u bë. Gjithçka që mund të shihni Zoti e krijoi përmes fjalës së Tij. Në fillim nuk kishte asgjë nga e cila mund të rritej ose të zhvillohej diçka.
Asnjë aksident, asnjë shpërthim i madh - vetëm Zoti i gjithëfuqishëm mund të krijonte diçka nga asgjëja.
Dhe më pas u krijua gjëja më e mirë.
Zoti tha: Le të bëjmë njeriun. Dhe Ai krijoi burrin dhe gruan sipas shëmbëlltyrës së Tij.
Ditën e gjashtë Perëndia shikoi gjithçka që kishte bërë dhe u gëzua, sepse ishte shumë mirë. Dhe Ai ia dha të gjitha Adamit dhe Evës.
Ata patën një jetë të mrekullueshme me Zotin në kopësht - derisa diçka e tmerrshme ndodhi një ditë.
Në dramën tjetër, do ju tregoj historinë më të tmerrshme që keni dëgjuar ndonjëherë.
Folësi: Autori
© E drejta e autorit: CEF Gjermani