STORIES for CHILDREN by Sister Farida(www.wol-children.net) |
|
|
Home عربي |
Home -- Punjabi -- Perform a PLAY -- 122 (Peter's life in danger) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- Platt (Low German) -- Portuguese -- PUNJABI -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
!ڈرامے- ایناں نُوں اپنے بیلیاں لئی ادا کرو 221. پطرس دی جان نُوں خطرہبڑے چِر دیاں بتیاں بند سن، پر مریم دے گھر وچ اجے تیک بتی بلدی پئی سی۔ اوہدے کول پروہنے آئے ہوئے سن۔ تے سبب اک اداسی سی: پطرس جیل وچ سی۔ اوہنے یسوع دی گل کیتی سی، تے ہیرودیس دی نظر وچ، ایہہ اک وڈا گناہ سی۔ کیہ ایہہ پطرس دی آخری رات ہووے گی؟ اوہدے بیلیاں نے امید نہ چھڈی، کیوں جو خدا کرامات کر سکدا اے۔ دن تے رات اوہناں نے دعا کیتی۔ عورت: ”خداوند یسوع، مہربانی کرو پطرس نوں مرن تھوں بچا لو۔“ بندہ: ”تسی کرامات کر سکدے او۔ ساڈا بھروسہ تہاڈے اُتے اے۔“ تے پطرس؟ کیہ تُسی جیل وچ اک نظر ویکھنا چاہندے ہو؟ بائبل اک باری وانگ اے جہدے وسیلے اسی ویکھ سکدے اَں پئی لوک اینی مدت پہلاں یسوع دے نال کس طرح رہندے سن۔ مُنڈا: ”پطرس سوندا پیا اے! اوہ آپنی پھانسی تھوں اک دن پہلاں کس طرح سو سکدا اے؟“ کُڑی: ”اوہنوں دو سپاہیاں سمیت زنجیراں نال بنھیاں گیا اے۔“ مُندا: ”تے دو ہور بوہے اُتے کھلوتے نے۔“ پطرس دی زندگی خطرے وچ سی، تے اوہدے بیلی لگاتار اوہدے لئی دعا کردے رہے۔ پر اوہ سوچ وی نہیں سکدے سن پئی اوس رات اوہدی جیل وچ کیہ ہون والا سی۔ اچانک بڑی لو ہوگئی۔ پطرس دے کول اک فرشتہ آن کھلوتا۔ فرشتہ: ”پطرس، اُٹھ کھلو۔ آپنی جوتی پا لے۔ آپنا چوغا لے تے میرے نال چل۔“ پطرس فرشتے دے پیچھے ٹُرن لگ پیا ایس طرح جیویں سُفنے وچ ٹُردا ہووے۔ کوئی زنجیر اوہنوں روک نہ سکی، کسے سپاہی نے اوہدے ٹُرن دی واج نہ سُنی۔ اوہ وڈا لوہے دا بوہا نادِسن والے ہتھ دے وسیلے کھل گیا۔ تے فیر فرشتہ غیب ہوگیا۔ خدا کرامات کر سکدا اے! پطرس: ”میَں آزاد اَں! خدا نے فرشتے نوں گھل کے مینوں ہیرودیس دی قید تھوں چھڈا لیا۔“ پطرس دوڑ کے مریم دے گھر گیا۔ (کھڑکان دی واج) رُدی: ”کون؟“ پطرس: ”میَں اَں پطرس۔“ رُدی اوہدی واج سن کے اینی خوش ہوئی پئی بوہا کھولنا ای بھل گئی۔ اوہ دوڑ کے ساریاں کول گئی۔ رُدی: ”پطرس بوہے اُتے کھلوتا اے!“ بندہ: ”توں پاگل ہو گئی ایں۔ ایہہ نہیں ہو سکدا۔“ رُدی: ”ایہ سچ اے! میَں اوہدی واج پچھان لئی اے۔“ (کھڑکان دی واج) پطرس: ”کھولو!“ بندہ: ”ایہہ ضرور اوہ ای اے۔ خدا نے کرامات کیتی اے!“ (بوہا کھلن دی واج) بی بی: ”پطرس، توں جیل وچوں باہر کس طرح نکلیا؟“ پطرس نے آپنے بیلیاں نوں سارا کجھ دسیا۔ خدا کرامات کر سکدا اے تے دعاواں دے جواب دے سکدا اے ایسے طریقیاں نال پئی جہڑے سانوں حیران کردین۔ اج وی اوہ وڈے تے نِکے کرامات کردا رہندا اے۔ اوہدا یقین کرو! لوک: بیان کرن والی، بی بی، بندہ، مُنڈا، کُڑی، فرشتہ، پطرس، رُدی حقوق: بحق سی ای ایف جرمنی محفوظ نے۔ |