Malagasy, Dramas: Piece 122 – Miatrika loza ny fiainan'i Petera

Home -- Malagasy -- Perform a PLAY -- 122 (Peter's life in danger)

This page in: -- Albanian -- Arabic -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- MALAGASY -- Malayalam ? -- Platt (Low German) -- Portuguese -- Punjabi -- Quechua -- Romanian -- Russian -- Serbian -- Sindhi -- Slovene -- Spanish-AM -- Spanish-ES -- Swedish -- Swiss German ? -- Tamil -- Turkish -- Ukrainian -- Urdu -- Uzbek

Previous Piece -- Next Piece

LALAO – tanteraho miaraka amin’ny ankizy hafa!

Tantara kely holalaovina an-tsehatra

122. Miatrika loza ny fiainan'i Petera

Efa ela no maty ny jiro rehetra tao an-tanàna, nefa mbola nisy jiro nirehitra tao an-tranon'i Maria. Nanana vahiny izy noho ny antony tena mampalahelo: tany am-ponja i Petera. Niresaka momba an'i Jesoa izy, kanefa heloka be vava izany teo imason'i Heroda Mpanjaka. Ity alina ity ve no alina farany ho an'i Pierre mialohan'ny fanamelohana azy ho faty? Tsy very fanantenana ny namany, satria afaka manao fahagagana Andriamanitra. Nivavaka andro aman'alina izy ireo...

Vehivavy: "Jesoa Tompo ô, aza avela ho faty i Petera."

Lehilahy: "Afaka manao fahagagana Ianao. Mahatoky Anao izahay."

Nanao ahoana i Petera? Te-hanao topi-maso izay miseho ao anatin'ny fonja ve ianao? Ny Baiboly dia toy ny varavarankely izay ahafahantsika mahita ny zavatra niainan'ny olona niaraka tamin'i Jesoa tamin'ny lasa:

Zazalahy: "Matory i Petera! Ahoana re no ahitany torimaso kanefa ity no alina mialoha ny fanamelohana azy ho faty?"

Zazavavy: "Oh! Hitanao ve? Nofatorana rojo vy tamin'ny mpiambina roa izy."

Zazalahy: "Ary misy roa hafa ihany koa mitsangana eo am-baravarana."

Tandindomin-doza ny ain'i Petera, ary nivavaka ho azy tsy tapaka ny namany. Tsy azon'izy ireo sary an-tsaina anefa izay hitranga tamin'iny alina iny tao amin'ny efitra figadrany.

Tampoka teo dia nisy hazavana namirapitratra. Nisy anjely niseho tampoka teo akaikin'i Petera.

Anjely: "Mitsangàna, ataovy ny kapanao. Tafio ny lambanao ka manaraha ahy."

Nivoaka i Petera ary nanaraka azy, noheveriny fa tao anaty nofy izy. Rehefa tapaka ny rojo vy tamin'i Petera dia tsy nisy mpiambina nahatsikaritra ny fihetsiny. Nisokatra ho azy ny varavarana vy lehibe farany. Nanjavona ilay anjely taorian'izay. Afaka manao fahagagana Andriamanitra!

Petera: "Afaka aho! Naniraka anjely hamonjy ahy tamin'i Heroda Andriamanitra."

Nihazakazaka nankany an-tranon'i Maria i Petera.

(Feno mandondòna eo am-baravarana)

Roda: "Iza moa izao?"

Petera: "Petera ihany."

Faly be i Roda rehefa nandre ny feony, hany ka hadinony ny namoha ny varavarana fa nihazakazaka nankany amin'ny hafa izy!

Roda: "Mijoro eo am-baravarana i Petera!"

Lehilahy: "Adala ianao! Tsy afaka ho tanteraka izany."

Roda: "Eny, manome toky anareo aho, fantatro ny feony!"

(Feno mandondòna eo am-baravarana)

Petera: "Sokafy o!"

Lehilahy: "Tena izy io. Nanao fahagagana Andriamanitra."

(feo fisokafan'ny varavarana)

Vehivavy: "Petera, ahoana no fomba nivoahanao tao am-ponja?"

Notantarain'i Petera tamin'ny namany ny zava-drehetra.

Afaka manao fahagagana sy mamaly vavaka amin'ny fomba mahagaga Andriamanitra!

Na amin'izao andro izao aza, dia manao fahagagana isan-karazany izy, na lehibe na kely. Afaka matoky Azy ianao!

Mpandray anjara: Mpitantara, vehivavy, lehilahy, zazalahy, zazavavy, anjely, Petera, Roda

STORIES for CHILDREN by Sister Farida

122. Miatrika loza ny fiainan'i Petera