STORIES for CHILDREN by Sister Farida(www.wol-children.net) |
|
|
Home عربي |
Home -- Punjabi -- Perform a PLAY -- 027 (Jesus dies on the cross) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- Platt (Low German) -- Portuguese -- PUNJABI -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
!ڈرامے- ایناں نُوں اپنے بیلیاں لئی ادا کرو 72. یسوع صلیب تے مر جاندا اےبچہ: ”میرے خیال وچ ایہہ بہت بُری گل اے پئی یہوداہ نے یسوع نوں دھوکھا دِتا۔“ بچہ: ”یسوع نے اوہناں نال لڑائی کیوں نئیں کیتی؟ اوہ آپنے اپ نوں چھڑا سکدا سی۔“ ایہہ سچ اے، اوہ ایس طرح کر سکدا سی، پر ایہہ ایسے طرح ہونا سی۔ بچہ: ”میَں ایہہ نئیں سمجھیا۔“ خدا دا پُتر ایس دُنیا وچ آیا تاں جو ساڈے گناہواں لئی آپنی جان دے سکے۔ نافرمانی تے گناہ دے سبب نال ہر انسان خدا توں دُور اے۔ تے گناہ دی مزدوری موت اے، یسوع گناہواں دی سزا نوں آپنے اُتے لینا چاہندا سی، تاں جو انسان دا رشتہ خدا دے نال قائم ہو جاوے۔ بچہ: ”اچھا .ہن مینوں سمجھ آئی۔“ آخری فیصلہ منصف نے کیتا سی۔ جدوں وی پوری قوم مصر توں واپس آون دی آزادی دی خوشی مناوندی، منصف اک قیدی نوں چھڈ دیندا سی۔ پیلاطُس: ”ایس سال میَنوں کیہڑے قیدی نوں چھڈنا چاہیدا اے؟ یسوع یا برابا؟“ اصل وچ، پیلاطُس چاہندا سی پئی اوہ یسوع نوں چھڈ دیوے تے قاتل برابا نوں نہ چھڈے، ایس لئی اوہنے دوجی واری پوچھیا۔ پیلاطُس: ”تُسی کیہ چاہندے ہو میَں کیہنوں چھڈ دیاں برابا نوں یا فیر یسوع نوں؟“ لوک: ”اسی برابا نوں چاہندے اَں پئی توں چھڈ دے! برابا نوں!“ پیلاطُس: ”تے مینوں یسوع دے نال کیہ کرنا چاہیدا اے؟“ لوک: ”اوہنوں سُولی چاڑھ دے! اوہنوں سُولی چاڑھ دے!“ تے فیر اوہو ہویا۔ خُدا دے پُتر نے لکڑ دی بھاری سُولی آپنے لہو وگدے ہوئے لک اُتے چُکی، اوہ گلگتا دے پہاڑ وَل ٹُردا رہیا، تاں جو ساڈے گناہواں لئی آپنی جان دے سکے۔ اوہنے ساڈی موت آپنے اُتے لے لئی جیہڑی سانوں ملنی چاہیدی سی۔ اوہ چھ گھنٹے سُولی اُتے ٹنگیا رہیا۔ مرن توں پہلاں، اوہنے دُنیا دے ساریاں نالوں ضروری دو لفظ بولے: یسوع: ”پورا ہویا!“ فیر اوہنے آپنیاں اکھاں بند کیتیاں تے پوری دُنیا دے گناہواں لئی آپنی جان دے دِتی۔ جیہڑا وی یسوع اُتے ایمان لیاوندا اے اوہدا خدا نال رشتہ بن جاوندا اے تے اوہ ہمیشہ دی زندگی پاﺅندا اے۔ کیہ تُسی ایہہ مندے او؟ جدوں خدا دے پُتر نے آپنی جان دِتی، اسمان وچ ہنیرا چھا گیا۔ دوپہر دا ویلا سی! تے پچال نال ہر شے ہل گئی۔ گھبرایا ہویا صوبیدار بولیا: صوبیدار: ”ایہہ واقعی خُدا دا پُتر اے!“ شام دے ویلے، یسوع نوں قبر وچ رکھ دِتا گیا، پر اوہ اوتھے نہ رہیا۔ اجے ساریاں نالوں چنگی گل اگے آوے گی! میَں تہانوں اگلی کہانی وچ سب کجھ دساں گی۔ لوک: بیان کرن والی، دو بچے، پیلاطُس، لوک، یسوع، صوبیدار حقوق: بحق سی ای ایف جرمنی محفوظ نے۔ |