Albanian, Dramas: Piece 120 – I sapoardhuri 4

Home -- Albanian -- Perform a PLAY -- 120 (The newcomer 4)

This page in: -- ALBANIAN -- Arabic -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malagasy -- Malayalam ? -- Platt (Low German) -- Portuguese -- Punjabi -- Quechua -- Romanian -- Russian -- Serbian -- Sindhi -- Slovene -- Spanish-AM -- Spanish-ES -- Swedish -- Swiss German ? -- Tamil -- Turkish -- Ukrainian -- Urdu -- Uzbek

Previous Piece -- Next Piece

DRAMAT – luajini për fëmijët e tjerë!

Drama për tu luajtur nga fëmijët

120. I sapoardhuri 4

Lukas u trondit. Puna e tij më e mirë në gdhendje gjendej e thyer në tokë. Tani ai nuk mund të fitonte kurrë asnjë çmim. Lukas, i huaji, donte t'u provonte të tjerëve se ishte i zoti në diçka. Por tani vepra e tij artistike ishte shkatërruar.

Lukas dyshonte për Annette. Por nuk mund ta provonte.

Tani ai ngjitej më shpesh në malet e shtëpisë së tij zvicerane. Ulej shpesh vetëm në një trung peme dhe gdhendte diçka.

Burri: "Ti je një gdhendës i mirë, djali im."

I befasuar, Lukas shikoi përreth. Ky duhet të jetë plaku që jetonte i vetëm në kasollen e tij. Në qytet të gjithë flisnin fshehurazi për të. Por sytë miqësorë të burrit bënë që Lukas t'i besonte.

Burri: "Eja me mua dhe unë do t'ju tregoj punët e mia në dru." (tingulli i një dere që kërcet)

Lukas: "Super! Ti i ke bërë gjithë këto figurina?"

Burri: "Një ditë do të gdhendësh edhe ti si këto. Ndoshta për ndonjë shok."

Lukas: "Nuk kam asnjë shok."

Burri: "Ndaj je kaq kurioz. Do më tregosh për problemin që ke?"

Lukas: "Danny u bë sakat. Të gjithë mendojnë se e kam shtyrë unë në përrua. Të gjithë më urrejnë. Annette më urren më shumë nga të gjithë. Edhe unë e urrej atë."

Burri: "Të gjithë bëjmë gjëra të gabuara në jetë, edhe unë kam bërë. Kisha një borxh të madh për shkak se pija alkool dhe merresha me lojërat e fatit. Më kapën duke u përpjekur të grabisja një bankë. Arrita fundin."

Lukas: "Ishe shumë i vetmuar?"

Burri: "Akoma jam i vetmuar. Por kur dola nga burgu, fillova një jetë të re me Jezusin."

Lukas: "A ke të afërm?"

Burri: "Gruaja ime nuk jeton më. Dhe dy djemtë e mi mendojnë se edhe unë kam vdekur. Njëri prej tyre është biznesmen dhe tjetri kirurg i famshëm. Ai ka ndihmuar shumë njerëz që të mund të ecin përsëri. Tani për tani ai po qëndron në hotelin e qytetit."

Lukasit i erdhi një ide. A mund ta imagjinoni se çfarë plani u formua në mendjen e tij? Plaku vendosi dorën me dashuri mbi supin e djalit.

Burri: "Lukas, ti më besove problemin tënd. A nuk do të flasësh me Zotin Jezus për urrejtjen që ke dhe t’i kërkosh Atij që të rregullojë gjithçka?"

Lukas nuk kishte turp kur lotët i rrodhën në fytyrë. Ai i kërkoi Zotit Jezus falje. Zemra e tij u pastrua nga çdo mëkat.

Është kaq e lehtë. Jo vetëm për Lukasin, por edhe për ty.

Po Annette? Do të dëgjoni më shumë për të në dramën e ardhshme.

Folësit: Autori, burri, Lukas

STORIES for CHILDREN by Sister Farida

120. I sapoardhuri 4