STORIES for CHILDREN by Sister Farida

(www.wol-children.net)

Search in "Quechua":

Home -- Quechua -- Perform a PLAY -- 134 (STOP 2)

Previous Piece -- Next Piece

DRAMAS -- perform them for other children!
Plays for children to perform

134. Sayay 2


Niña: "Ñawpaj kaj parte kay Escuela kawsayman pusajmanta. Kunapaj yachakunaqa kashan 'SAYAY – PARE'."

(ruido de tránsito de calle)

Niño: "¡Qhaway jaqayta…! ¿Locochu imataj? Uj willay chaypi kashan Sayay, jinapis payqa mana sayaspa tukuy atisqanta rishallampuni."

Niña: "Ichachus manchay apuras kashan á."

Kunan rejsisunchej Bibliamanta uj runata manchay usqayta (velocidad) payqa t’ijuykachashasqa, pitapis saruj jina purisqa. Chayrayku tukuy manchikoj kasqanku. Runata wañuchichej kasqa, may chhika mana juchayojkunata ñak’arichisqa.

Saúlo: "Tukuynin cristianosta tukuchinanchejpuni tiyan. Pillapis Jesús Diospa Churimpuni kasqanta nejtaqa chayrato wañuchisun. Jaku kunaqa, Damascoman rinanchej tiyan."

Qharikunata warmikunata carcelman wijq’achiyta munasqa. Chay yachayniyojkuna, sacerdotespis munsqanta ruwanampaj permisota qosqaku. (Pasos) Saúloqa imata jina karu karusman parlaspa ririshasqa. Jinallapi kaymanta jina sayarpasqa. Janaj pachamanta uj k’anchay k’anchaykorparimun.

Jesús: "¡Saúlo! ¡Saúlo! ¿Imaraykutaj qhatiykachawankirí?"

Saúlo: "¿Señor, pitaj kankirí?"

Jesús: "Noqa kani Jesús, pitacchus qhatiykachashanki chay. Sayariy, Damascoman riy, chaypitaj yachanki imatachus ruwanaykita."

Pikunachus Saulowan rejkunaqa chay parlayta uyarisqanku, nitaj rikusqankuchu pitapis. Saúlo sayaykunampajqa ciego kasqa mana nimata rikusqachu. Paywan rejkuna aysasqanku llajtamanqa.

Jesús Sayarpachisqa Saúlotaqa. Chaypi cuenta qokusqa Saúloqa pantasqa kasqanta, payqa yuyasqa chay jinata ruwaspa Diospaj jina purisqanta. Chaywampis mana jinachu kasqa, jatun pantaypi purisqa Sauloqa.

Mana Jesúswanqa tukuy pantasqa ñampi risunman, mana janaj pachaman pusaj ñampichu. Chaytaj niyta munan wañuyman rishasqata, chayrayku Jesúsqa Saúlota sayarpachisqa, kunampis sayachishallampuni askha runakunata.

Niña: "Mana noqaman ima k’anchaypi k’achaykuwanchu."

Chay señal "Sayay – PARE" askha imakunapi kanman.

Niño: "Ichachus kanman, uj accidentemanta, onqoykunamanta í. Kawsayniykipirí ¿imaynataj karqa?"

Noqapajqa uj prédican iglesiapu uj willay jina niwarqa "Sayay PARE". Diostataqa wajkunata oqharillantaj uj willayta señalesta jina nisunchu, ninawanchejpaj PARE.

Niña: "¿Chanta imaynataj karqa chay Saúloj kawsaynin?"

Aaa, payqa pantaypi kashasqanta rimarispa Jesúswan parlayta qallarispa, orasqa. Chanta kinsa p’unchaymantaj uj runa paywan tinkoj risqa.

Ananías: "Munasqa hermanoy Saúlo. Señor Jesús kachamuwan watejmanta rikuyta atinaykipaj, Espíritu Santowantaj junt’asqa kanaykipaj, chay kallpachasonqa ñawpajman rinaykipaj."

Chayratopachataj Saúloqa watejmanta rikuyta qallarisqa.

Niño: "Chantarí..."

Tukuy cristianosta wañuchiyta munasqankunaqa, sumaj kawsaqenkuna kasqanku. Paytaj cheqa ñanta rikuchejman tukusqa, askhatataj Jesúsman pusasqa.


Personajes: Relator, niña, niño, Saúlo, Jesús, Ananías

© Copyright: CEF Germany

www.WoL-Children.net

Page last modified on May 14, 2021, at 06:40 AM | powered by PmWiki (pmwiki-2.2.140)