Home -- Aymara -- Perform a PLAY -- 134 (STOP 2)
134. SAYT’AM’ 2
Niña: “Kallta Jacañ apnakan escuela. ‘SAYT’AM’ ucaw señälajj jichhürutaqui.”
(callen auto sarnakeri)
Niño: “¡Uñjam qhaya! ¿Lokhepachati? Mä señal Sayt’am ucaw utji, ucampis t’ijuscaquiwa.”
Niña: “Inas apuratachi.”
Jichhürujj Bibliat mä jakeruw uñt’añani walpin t’ijunakascäna. Janiw amuyañjamäcänti.
Takeniw ajjsarapjjäna. Jakenac jiwayañataquiw yanapäna. Walja jan juchaninacaw mutuñapäna.
Saúlo: “Take cristianonacaruw t’ucjañäni. Qhititejj Jesusajj Diosan Yokapaw sisqui ucanacaru. Jïna, Damascor sarañasawa.”
Chachanacar warminacaruw catjañ munäna. Jach’a sacerdotenacajja qhitapjjataynawa.
(sarnakerinaca) Saulojj lakaw saräna. Acatjamat sayt’ayatäna. Alajjat khanaw c’ajtanïna.
Jesús: “¡Saulo, Saulo! ¿Cunats arcnakista?”
Saúlo: “¿Tatay, qhitïtasa?”
Jesús: “Jesusätwa, qhitirutï arcnakta uca. Sartasim. Damascor saram. Ucan yatïta cunas lurañamajj waquisi.”
Saulomp chict’atäpcän ucanacajja arjja ist’apjjataynawa, ucampisa janiw qhitirus uñjapcänti. Cunapachatejj Saulojj sartjataynajja, juyqhujjänwa. Compañanacapajja ciudadaruw irpjjapjjäna.
Jesusajj Saulorojj sayt’ayataynawa. Saulojj pantat thaqhincatapjja amuyasitaynawa. Arcnakatapampejj, Diosan munañap lurascchi uc amuyataynajja. ¡Wali pantatänwa!
Jan Jesusampejj takenis pantat thaqhinctänwa. Jan cielor apïr thaqhinctänwa. Jiwañ chijinctänwa uc sañ muni. Ucatwa Jesusajj Saulor sayt’ayi uqhamarac waljaniruw sayt’ayasqui.
Niña: “Janiw cuna c’ajquir khanas nayarujj uñstquituti.”
“SAYT’AM” señalajj cast castäspawa.
Niño: “Amuyt’añataquejj mä chiji jan ucast usjjamäspawa. ¿Cunjamans jacäwimanjja?
Nayataquejja mä mensajew señaljamänjja “SAYT’AM” sasina. Yakha jakenacarujja “SAYT’AM” señaljamjj Diosajj ucharaquiwa.
Niña: “¿Cunjamas sarasqui Saulon historiapajja?”
Jupajj pantat thaqhincatapjja uñt’asjjataynawa, ucat Jesusamp pärli, orew sañäni. 3 urunac pasatatjja mä jakew uñjir jutatayna.
Ananías: “Munat jilat Saúlo. Tatit jesusaw nayr catokañamataqui qhitanitu. Jupajj Kollan Ajayu chürtam, ucaw Chamapajj thaqhimataqui.”
Ucarat pachpawa Saulojj üñjj-jje.
Niño: “¿Ucatsti…?
Criatianonacajj qhitinacarutejj jiwayäñ muncänjja suma amigonacapaw tucjjapjje. Ucatjja mä thaqhi uñachayiriw tucjje uqhamaraqui waljaninacaruw irpi Jesusar uñt’añapataqui.
Uñstirinaca: Parliri, niña, niño, Saulo, Jesús, Ananías
© Copyright: CEF Germany