STORIES for CHILDREN by Sister Farida

(www.wol-children.net)

Search in "Platt":

Home -- Platt (Low German) -- Perform a PLAY -- 134 (STOP 2)

This page in: -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- German -- Greek -- Guarani -- Hebrew? -- Hindi -- Indonesian -- Italian -- Korean -- Kyrgyz -- Malayalam? -- PLATT (LOW GERMAN) -- Portuguese -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swiss German? -- Tamil -- Turkish -- Urdu? -- Uzbek

Previous Piece -- Next Piece

DRAMAS -- perform them for other children!
Plays for children to perform

134. Aunhoolen 2


Mäadche: "Foaschool fa daut Läwen 1. Deel. Vendoag heet daut AUNHOOLEN!"

(Opp de Gaus foat väl)

Junj: "Es dee schoslich? Foat opp vollgas bie AUNHOOLEN derch."

In volla Foat wia uk een Maun, däm wie vendoag en de Bibel bejäajnen. Hee wia sea ruchloos. Aula hauden Angst fa am. Hee holp met daut Menschen jemerdat worden. Oschuldje mussten lieden.

Saulus: "Wie brinjen aule Christen om. Aule, dee doaropp bestonen bliewen, daut Jesus Gottes Sän es. Komt, wellwe ons oppmoaken no Damaskus."

Mana un Frues wull hee faustnämen. Dee bowaschta Priesta haud am jreenet Licht doato jejäft.

(Schräd) Saulus spood sich aul sea. Oba oppeenmol wort hee aunjehoolen. Vom Himmel strold een sea dachet Licht.

Jesus: "Saul! Saul! Wuarom vefolchst du mie?"

Saulus: "Har wäa best du?"

Jesus: "Ekj sie Jesus, dän du vefolchst. Sto opp. Go no Damaskus, doa woascht du enwoaren, waut du doonen saust."

De Mana, dee met Saulus toop wieren, hieeden de Stem uk, oba see sagen kjeenen. Aus Saul oppstunt, wia hee blint. Dee waut am bejleiten deeden, fieeden am no de Staut. Jesus haud Saulus aunjehoolen. Un dodaerch erkjand hee nu, daut sien Läwen opp däm faulschen Wajch es. Hee docht, daut hee to Gott jehieed. Oba doa haud hee sich aunjeschmäat! One Jesus es jiedra opp däm faulschen Läwenswajch. Opp däm Wajch, dee nich im Himmel nenfieet. Daut es Läwensjefäarlich. Doawäajens deed Jesus däm Saulus aunhoolen, un uk väle aundre.

Mäadche: "Mie es noch kjeen dachet Licht bejäajent."

Gott sien Aunhooltschilt kaun uk noch gaunz aundasch utseenen.

Junj: "Daut kaun toom Biespell uk een Onfaul ooda eene Krankheit senen. Woo wiee daut iejentlich bie die?"

Fa mie wia eene Prädicht daut Aunhoolschilt. Gott brugt uk Menschen toom aunhoolen fa aundre.

Mäadche: "Un woo jinj daut met Saulus wieda?"

Hee haft daut biejejäft, daut hee opp däm faulschen Wajch wia un haft jebät. No dree Doag kaum een Maun no am.

Ananias: "Leewa Brooda Saul. De Har Jesus haft mie jeschekjt. Du saust wada seenen. Hee schenkjt die däm Heiljen Jeist, daut es siene Krauft fa dienen Wajch."

In rein fuatz kun Saulus wada seenen.

Junj: "Un dan?"

De Christen, dee hee dootmoaken wull, worden siene baste Frind. Un hee wort een Wajchwiesa, dee väl Menschen dän Wajch no Jesus jewäsen haft.


Persoonen: Eena waut vetalen deit, Mäadche, Junj, Saulus, Jesus, Ananias

Copyright: CEF Germany

www.WoL-Children.net

Page last modified on May 27, 2020, at 11:00 AM | powered by PmWiki (pmwiki-2.2.140)