STORIES for CHILDREN by Sister Farida

(www.wol-children.net)

Search in "Quechua":

Home -- Quechua -- Perform a PLAY -- 079 (Invaluable)

Previous Piece -- Next Piece

JUCH’UY WAKICHIYKUNA – rejsichisqa waj wawakunapaj!
Juchuy Kuentitus wawaskunapaj Ruwaskan

79. Mana junt´ay atina


(Agua salpicando) Tukuy kallpanwan mama qochaman k’achito wallqasta mask’ajqa phinkiykusqa. Sumaj kawsaqen David Morsetaj, qhocha kantupi suyasqa yaku ukhumanta watej llojsimunanta. Uj kuchilluwan t’ojsispa kicharej kasqanku ostras nisqa mama qochapi kawsaj khurustaqa, chay khurukunaj ukhunkupi rikhurej kasqa k’achitu wallqakunaqa, chaytataj yakupi sumaj wayt’ayta yachajkuna yaku ukhupi wayt’aspa mask’aj kasqanku, imaynachus Rambhau-wan, kawsaqen Davidwan jina.

David Morse: "Rambhau, sumaj wayt’aj kanki. Kay k’acha wallqa tarisqayki askha valen."

Rambhau: "Ari, sumajpacha kashan kayqa."

David Morse: "¿Kaymanta aswan sumaj waj kanmanchu?"

Rambhau: "Aaa.., kaymanta aswan valorniyoj wasiypi tiyapuwan."

David Morse: "Noqapajqa kaypuni sumajqa. Qanqa astawan astawan sumajta rikuy munanki."

Rambhau: "Chaytataj qan Diosniykimanta nillankipuneqa, Paylla tukuy imamanta allin, k’acha kasqanta. Jinapis Diosqa imaynachus kasqanchejman jinacha qhawawanchej."

David Morse: "Ari, chaywampi munan uj limphu sonqota sapa ujman qoyta. ¿Chaytaj Diosmanta may valorniyoj waqeyqa, jap’eqawanki?"

Jinata parlasqapa chay kawsaqekuna qhocha kantuman llojsisqanku.

Rambhau: "David, chayqa ancha noqapajqa, mana chay regalota jap’inaypaj jinachu kani. Imallatapis ruwanaypuni tiyan salvacionta jap’ikunaypajqa, mana jinalla jap’ikuymanchu. ¿Jaqay peregrinota rikunkichu? Q’ara chaki filo rumi patasta, khiska patasta ima purishan. Noqaqa qonqor chakimanta Deli nisqa orqoman chayanaykama rinay tiyan."

Tukuy imatachus Davidpa nisqanqa, nimapi kawsaqenta yanapasqachu, kikillampuni kasqa chanta uj maskha p’unchaykunamantaj.

(Golpes en le puerta)

David Morse: "¿Rambhau, qanchu kanki? Yaykumuy yaykumun."

Rambhau: "David, q’aya qallarisaj maymanchus qonqor chaki rinayta nerqayki chayman. Manaraj ripushaspataj, munani wawaymanta parlarisuyta."

David Morse: "¿Wawayki kanchu?"

Rambhau: "Payqa sumaj mama qocha yakupi wayt’aspa k’achitu wallqasta orqhoj karqa. Manchay k’achito walqatapuni tariyta munarqa, tarirqapunitaj. Jinapis unayta yaku ukhupi kasqanrayku, manaraj unayninman wañupun (sollozos). Qan sumaj kawsaqey kasqaykiraykutaj, munani chay k’achitu wallqa orqhosqanta regalapusqayki."

David Morse: "Rambhau, sumaj chayqa, may k’acha, jinapis mana regalota jina jap’ikuykimanchu. Pagasqayki 10 000 chaymantaqa."

Rambhau: "¡Mana rantiyta atiwajchu kay k’achitu wallqataqa!"

David Morse: "Sichus aswan valen chayqa, llank’aspa pagapusqayki."

Rambhau: "David, mana preciota churay atisunmanchu. Wawaypaj kawsaynin kayqa."

David Morse: "Rambhau, chaytapuni sapa kuti niyki noqa Diosmantaqa. Paypa regalon salvación kasqanta, mana pagayta atinchejchu ní allin imakunata ruwaspapis, ni qonqorchaki purispapis. Salvaciónqa uj regalo Diosmanta, imaraykuchus churin Jesús kawsayninwan paqarqaña. ¿Chay regalota kunampacha jap’iyta munankichu?"

Rambhau: "Aaa.., kunan jap’eqani. Manaña salvaciónmanta pagay atinichu, imaraykuchus Diospa churin kawsayninwan pagasqaña. Ari, munani chay regalo salvaciónta jap’ikuyta."

Salvaciónqa Diosmanta regalo, qampis jap’iyta atillankitaj.


Personajes: Relator, David Morse, Rambhau

© Copyright: CEF Germany

www.WoL-Children.net

Page last modified on August 08, 2023, at 04:59 PM | powered by PmWiki (pmwiki-2.3.3)