Home -- Punjabi -- Perform a PLAY -- 143 (Like the Chinese 4)
!ڈرامے- ایناں نُوں اپنے بیلیاں لئی ادا کرو
بچیاں دے ادا کرن لئی ڈرامے
341. چینیاں وانگ ۴
جدوں اوہ پنج سال دا سی، تے ہڈسن ٹیلر جاندا سی پئی جدوں اوہ وڈا ہو جاوے گا تے اوہنے کیہ کرنا اے۔
ہڈسن ٹیلر: ”جدوں میں وڈا ہو جاواں گا تے میَں اک مشنری بناں گا تے چین جاواں گا۔“
جدوں اوہ ۱۲ سال دا سی، اوہنے چین دا سفر کیتا، اوتھوں دی بولی سیکھی، تے بہت سارے لوکاں نوں یسوع دے بارے وچ دسیا۔ پر جیہڑا کم ودھیا ہووے اکثر اوہ کم بڑا مشکل ہوندا اے۔
بندہ: ”تُسی ایتھے کیہ کردے پئے او؟ چلے جاﺅ ایتھوں!“
فوجی: ”اسی پردیسی شیطان تے اوہدے ساتھیاں نوں مار دیاں گے۔“
بندہ: ”نہیں، اسی اوہناں نوں اُتم درجے دے حاکم دے کول لے کے جاواں گے۔“
ظالم فوجیاں نے مشنریاں نوں بڑا ماریا تے ہڈسن نوں ایناں ماریا پئی اوہ سمجھو مر ای گیا۔
ہر شے تھوںبڑا دُکھ ملدا پیا سی، پر اوہدا صبر اجے تیک قائم سی۔
ہڈسن ٹیلر: ”صبر رکھ، میرے بیلی، ایہدے تھوں سانوں آپنیاں ڈائریاں وچ کجھ لکھن نوں ملدا پیا اے۔“
اوہ فیر وی یسوع نال پیار کردے رہے، کیوں جو اوہنے وی جدوں صلیب اُتے ہر اک انسان دے گناہواں لئی آپنی جان دِتی سی تے ڈاہڈا دُکھ چُکیا سی۔ ہڈسن نے ایہدے بارے وچ سوچیا تے یسوع نوں ہور وی پیار کرن لگیا۔ اینہاں گلاں نال اوہنوں ہور وی ہمت ملدی رہی جدوں اوہ اوہناں نوں کھچ کے عدالت وچ لے کے جاندے پئے سن۔
وڈے افسر نے اوہناں دیاں ساریاں گلاں سُنیاں۔
ہڈسن ٹیلر: ”اسی ٹُنگس چاﺅ وچ لوکاں نوں یسوع دے بارے وچ دسنا چاہندے اَں، نجات دینے والے دے بارے وچ۔ اوہ ہر اک نال پیار کردا اے۔ ایہہ بائبل وچ لکھیا ہویا اے۔ اسی تہانوں ایہہ کتاب تحفے وچ دیواں گے۔“
اوس وڈے افسر نے اوہناں دی ایس گل نوں پسند کیتا۔ اوہناں نوں مارن دی تھاں اوہنے اوہناں نوں چاہ پیائی۔ جیل گھلن دے بجائے اوہناں نُوں یسوع دے بارے وچ تعلیم دین دی اجازت دے دِتی۔
یسوع سب کجھ کرن دی طاقت رکھدا اے۔ ہڈسن نے اودا ایس گل لئی شکریہ ادا کیتا۔ پر ایہدے بعد اوہ تھکیا ہویا آپنے گھر چلا گیا۔ اوہدا چینی بیلی اوہنوں ویکھدا پیا سی پئی اوہ کس طرح چول تے بطخ دے آنڈے کھاندا پیا سی چینی ڈنڈیاں دے نال۔
چینی: ”ٹیلر صاحب، تُسی بالکل ایس طرح ای کھاندے ہو جس طرح اسی کھاندے اَں، تے تُسی ایس طرح ای بولدے ہو جس طرح اسی بولدے اَں، پر تُسی ساڈے وانگ کپڑے کیوں نہیں پاندے؟“
ہڈسن ٹیلر: ”کیوں نہیں؟ ایہہ اک چنگا سوال اے! کیہ مینوں پانے چاہیدے نے؟“
چینی: ”جے تُسی ایس طرح کرو گے تےلوک ہور وی دھیان نال تہاڈی گل سُنن گے۔“
ہڈسن ٹیلر: ”ہوں! جدوں یسوع دھرتی اُتے آیا، اوہ ساڈے وانگ بندہ بنیا بالکل جس طرح دے اَسی اَں۔ اوہ پورا ساڈے وانگ بن گیا۔ تے میَں چینیاں وانگ بننا چاہندا اَں۔ کیہ ایس طرح کرن وچ تسی میری مدد کرو گے؟“
یسوع نال محبت رکھن لئی ہڈسن نے آپنے انگلستانی کپڑے بدل کے چینی کپڑے پا لئے۔
کالے تے لمبے کپڑیاں وچ اوہ سوہنا لگدا پیا سی۔
چینی: ”ہن تُسی بالکل چینی لگدے پئے او!“
تسُنگ نِنگ دے جزیرے اُتے، ہڈسن ٹیلر بائبل دی تعلیم دیندا سی تے بیماراں دا خیال رکھدا سی۔
پر اچانک اوتھے کجھ مسئلے بن گئے۔
پہلی عورت: ”کیہ تُساں ایہہ سُنیا؟ اوس چنگے بندے ٹیلر نوں جزیرے تھوں ٹُر جانا چاہیدا اے۔“
دوجی عورت: ”ساڈا ڈاکٹر سڑدا پیا اے کیوں جو اوہ مریضاں دا بہتا خیال رکھدا اےتے اوہناں نُوں چنگیاں دوائیاں دیندااے۔“
پہلی عورت: ”اوہناں نے وڈے افسر دے اگے اوہنوں بُرا پیش کیتا۔“
تے فیر؟ میَں تہانوں اگلی کہانی وچ دساں گی پئی کیہ ہویا۔
لوک: بیان کرن والی، ہڈسن ٹیلربچے دے طور اُتے، ہڈسن ٹیلر جوانی وچ، بندہ، فوجی، چینی، پہلی عورت، دوجی عورت
حقوق: بحق سی ای ایف جرمنی محفوظ نے۔